Rajadhani Files Review in Telugu: రాజధాని ఫైల్స్ సినిమా రివ్యూ & రేటింగ్!

నటీనటుల పనితీరు: వాణీ విశ్వనాధ్ మినహా ఒక్కరూ తమ నటనతో ఆకట్టుకోలేకపోయారు. వినోద్, పుష్పరాజ్, వీణ, పవన్, షణ్ముఖ్ తదితరుల నటనలో అతి కనిపిస్తుందే కానీ.. ఎక్కడా ఎమోషన్ అనేది మచ్చుకకైనా పండలేదు.

సాంకేతికవర్గం పనితీరు: రైతుల కష్టాలు చూపించడమో, ప్రభుత్వ వైఫల్యాలను ఎండగట్టడమో పక్కనెట్టి.. అధికార పార్టీలోని కొందరి ఇమేజ్ డ్యామేజ్ చేయడం కోసం సృష్టించిన సన్నివేశాలు హాస్యాస్పదంగా ఉన్నాయి. మణిశర్మ లాంటి సంగీత దిగ్గజం కూడా ఏమీ చేయలేక మిన్నకుండిపోయిన సినిమా ఇది. ప్రొడక్షన్ డిజైన్, సినిమాటోగ్రఫీ, డి.ఐ వంటి టెక్నికాలిటీస్ గురించి మాట్లాడకపోవడమే బెటర్.

దర్శకుడు ఒక సీరియస్ సినిమా తీస్తున్నానుకొని.. ఒక స్పూఫ్ తీశాడు. మంచి టైటిల్, ఆంధ్ర ప్రేక్షకులకు కనెక్ట్ అయ్యే అంశాన్ని కేవలం అధికార పార్టీ మీద కోపంతో వేస్ట్ చేశాడు.

విశ్లేషణ: పోలిటికల్ కామెడీలు, సెటైర్లు సమాజానికి అవసరం. ప్రభుత్వం చేస్తున్న తప్పులను, ద్వంధ్వ పోకడలను వేలెత్తి చూపడం సదరు పోలిటికల్ సినిమాల బాధ్యత. కానీ.. ఈమధ్య వచ్చిన, వస్తున్న సినిమాలు కేవలం ఒక వర్గం మీద దాడి చేయడానికి లేదా ఒక వర్గం మీద సింపతీ పెంచడానికి మాత్రమే తీస్తున్నట్లుగా ఉంది. “రాజధాని ఫైల్స్” కూడా ఆ వర్గానికి చెందిన సినిమానే. ఆంధ్ర రాష్ట్రంలోని ప్రతిపక్ష అభిమానులు మినహా మరెవర్నీ కనీస స్థాయిలో కూడా ఆకట్టుకోలేని సినిమా (Rajadhani Files) ఇది.

రేటింగ్: 1.5/5