మెగా పవర్ చూపించిన ధృవ థియేట్రికల్ ట్రైలర్!

మెగా పవర్ స్టార్ రామ్ చరణ్ తేజ్ లేటెస్ట్ మూవీ ధృవ థియేట్రికల్ ట్రైలర్ నేడు (శుక్రవారం) రిలీజ్ అయి సంచలనానికి తెర తీసింది. దాదాపు రెండు నిముషాల నిడివి కలిగిన ఈ వీడియోలో ఐపీఎస్ ఆఫీసర్ గా చెర్రీ లుక్ అదరహో అనిపించింది. ట్రైలర్ ప్రారంభంలో వచ్చే.. “నాకు ఇంపార్టెంట్ గోల్ ఉంది. ఎవడిని కొడితే వందమంది క్రిమినల్స్ అంతమవుతారో .. ఆ క్రిమినల్ నే నేను అంతం చేయాలి “.. అనే డైలాగ్ సినిమా థీమ్ ని చెప్పకనే చెప్పింది.

అంతే కాదు వందమంది సెంటిమెంట్ ని ఇందులోనూ ఉపయోగించి విజయానికి ఆహ్వానం పలికారు. తమిళ సినిమా తని ఒరువన్ కి రీమేక్ అయినప్పటికీ ఎక్కడ ఆ ఛాయలు కనిపించకుండా దర్శకుడు సురేందర్ రెడ్డి జాగ్రత్త పడ్డారు. యాక్షన్ సీక్వెన్స్ లు సినిమాకు హైలెట్ గా నిలవనున్నట్లు ట్రైలర్ స్పష్టం చేసింది. బిజినెస్ మ్యాన్ గా అరవింద్ స్వామి విలనిజం ఈ చిత్రానికి ప్లస్ కానుంది. చరణ్ తో అరవింద్ స్వామి పోటీపడి నటించినట్లు తెలుస్తోంది. మెగా అభిమానులకు ఈ ట్రైలర్ ఉత్సహాన్ని ఇచ్చింది. సినిమా సక్సస్ పై నమ్మకాన్ని పెంచింది. గీతా ఆర్ట్స్ బ్యానర్ పై అల్లు అరవింద్, ఎన్.వి.ప్రసాద్ సంయుక్తంగా నిర్మించిన ఈ మూవీ డిసెంబర్ 9న విడుదల కానుంది.

Also, do SUBSCRIBE to our YouTube channel to get latest Tollywood updates.