లాక్‌డౌన్‌ టైమ్‌లో తెలుగు ప్రేక్షకులకు ఓటీటీలో బాగా దగ్గరైన సినిమాల్లో కన్నడ ‘దియా’ ఒకటి. ఫీల్‌గుడ్‌ ప్రేమకథ అయిన ఈ సినిమాకు మనవాళ్లు బాగా కనెక్ట్‌ అయ్యారు. సాధారణ ట్రయాంగిల్‌ లవ్‌ స్టోరీలకు పూర్తి భిన్నంగా సాగే సినిమా ఇది. ఈ సినిమా ఇప్పుడు తెలుగులోకి డబ్ అయ్యి వస్తోంది. ఇదంతా ఆ సినిమా గురించింది. అయితే ఈ సినిమా రావడం వల్ల మరో సినిమా ఇబ్బందుల్లో పడుతోంది. అందులోనూ తెలుగు సినిమా. ఆ లెక్కేంటో చదివేయండి మరి.
మేఘ ఆకాశ్‌ కథానాయికగా ‘డియర్‌ మేఘ ’ అనే ఓ సినిమా రూపొందుతున్న విషయం తెలుసా? ఆఁ.. అవును మొన్నీ మధ్యే టీజర్‌ కూడా లాంచ్‌ చేశారు. త్వరలో సినిమాను విడుదల చేస్తాం అని చెప్పారు కదా అంటారా. అయితే ఈ సినిమా ‘దియా’కు రీమేక్‌ అని తెలుసా? నిజానికి చిత్రబృందం ఈ విషయాన్ని అధికారికంగా ప్రకటించడం లేదు కానీ, ‘దియా’కు ‘డియర్‌ మేఘ’ రీమేకేనట. టీజర్‌ చూసినవాళ్లు ఇట్టే చెప్పేస్తారు కూడా.
‘డియర్‌ మేఘ’ను రిలీజ్‌ చేయడానికి టీమ్ సిద్ధమవుతున్న సమయంలో ఓ పిడుగులాంటి వార్త పడింది. అదే ‘దియా’ తెలుగు డబ్బింగ్‌ వెర్షన్‌ను తెలుగులో ఓటీటీ వేదికగా విడుదల చేసేస్తున్నారు. ఆగస్టు 19న ‘దియా’ తెలుగు డబ్బింగ్‌ వెర్షన్‌ ఓటీటీలో స్ట్రీమ్‌ అవుతోంది. దీంతో ‘డియర్‌ మేఘ’ పరిస్థితి ఏంటనేది తెలియడం లేదు. అప్పుడెప్పుడో ‘మృగరాజు’ సమయంలో ఇలాంటి కష్టం వచ్చింది. మళ్లీ ఇప్పుడు అన్నమాట.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
