Pushpa Movie: బన్నీ పాత్ర గుట్టు విప్పిన నటి!

సుకుమార్ డైరెక్షన్ లో బన్నీ హీరోగా తెరకెక్కుతున్న పాన్ ఇండియా మూవీ పుష్పపై భారీగా అంచనాలు నెలకొన్న సంగతి తెలిసిందే. బన్నీ పుష్పరాజ్ పాత్ర కోసం చాలా కష్టపడుతున్నారు. పుష్పరాజ్ పాత్రలో నెగిటివ్ షేడ్స్ కూడా ఉన్నాయని వస్తున్న వార్తలు సినిమాపై అంచనాలను భారీగా పెంచుతున్నాయి. దర్శకుడు సుకుమార్ కెరీర్ తొలినాళ్లలో ఎక్కువగా క్లాస్ సినిమాలను తెరకెక్కించగా రంగస్థలం సినిమా నుంచి రూటు మార్చడం గమనార్హం.

పుష్ప మూవీకి రంగస్థలం సినిమాతో పోలికలు ఉన్నాయని వార్తలు వస్తుండగా పుష్ప మూవీలో నటిస్తున్న ఆర్టిస్ట్ ఒకరు రంగస్థలం విలేజ్ బ్యాక్ డ్రాప్ తో తెరకెక్కితే పుష్ప ఫారెస్ట్ బ్యాక్ డ్రాప్ తో తెరకెక్కుతోందని ఈ రెండు సినిమాలకు ఎటువంటి పోలికలు లేవని చెప్పారు. పుష్ప టీజర్ లా సినిమా ఊహించని విధంగా ఉంటుందని సినిమాలో నటిస్తున్న దివ్య అనే ఆర్టిస్ట్ వెల్లడించారు. సినిమాలో అల్లు అర్జున్ పాత్ర కొత్తగా ఉంటుందని టీజర్ లో బన్నీ సీరియస్ గా కనిపించినా సినిమాలో కామెడీ కూడా చేస్తారని దివ్య అన్నారు.

బన్నీ సెట్స్ లో అందరితో ఫ్రెండ్లీగా ఉంటారని దివ్య తెలిపారు. పుష్ప సినిమా గురించి లీకవుతున్న విషయాలు సినిమా గురించి అంచనాలను మరింత పెంచుతున్నాయి. మరోవైపు ఈ మూవీ రిలీజ్ డేట్ గురించి స్పష్టత రావాల్సి ఉంది. ఈ సినిమా రిలీజైతే బన్నీ తరువాత ప్రాజెక్ట్ కు సంబంధించిన వివరాలు వెల్లడయ్యే అవకాశం ఉంటుంది. బన్నీ పుష్ప పార్ట్ 1 రిలీజయ్యాక ఐకాన్ మూవీలో నటిస్తారని గతంలో వార్తలు వచ్చాయి.

Most Recommended Video

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్