మైథలాజికల్‌ సినిమా అంటే మామూలు విషయం కాదు. గుణశేఖర్ అలాంటి సినిమా ఎత్తుకునేసరికి అందరికీ చిన్న నమ్మకం కలిగింది. ‘రుద్రమదేవి’ తర్వాత గుణశేఖర్ చేస్తున్న సినిమా కావడం మరో విశేషం. అయితే ఈ ఆసక్తికరమైన సినిమాకు దిల్‌ రాజు కూడా కలిసి వస్తున్నాడట. అవును ‘శాకుంతలం’ ప్రొడక్షన్‌ టీమ్‌లోకి దిల్‌ రాజు ఎంట్రీ ఇస్తున్నాడట. ఇటీవల సినిమా గురించి తెలుసుకున్న రాజు ఈ నిర్ణయం తీసుకున్నారనేది టాలీవుడ్‌ టాక్‌.
కొత్త సంవత్సరం సందర్భంగా గుణశేఖర్ ‘శాకుంతలం’ అనౌన్స్‌మెంట్‌ ఇచ్చారు. ఇందులో సమంత నటిస్తోంది అంటూ మరింత ఆసక్తి రేపారు. పెళ్లి తర్వాత నటనకు, నాయికకు ప్రాధన్యమున్న పాత్రలు చేస్తూ వస్తున్న సమంత ‘శాకుంతలం’ ఎంచుకోవడంలో ఆశ్చర్యపోనక్కర్లేదు. అయితే ఆమె ఎంపిక విషయంలో నెటిజన్ల నుంచి భిన్నాభిప్రాయాలు వ్యక్తమవుతున్నాయి. ఇలా ‘నువ్వు చేయలేవ్‌’ అని విమర్శలు ఎదుర్కొన్న రోల్స్‌లో సమంత అదరగొట్టం కొత్త విషయమేమీ కాదు. దిల్‌ రాజునే ‘నేనూ మీతో కలుస్తా’ అంటున్నాడు అంటే ఈ సినిమాలో ఏదో విషయం ఉన్నట్లే కదా. త్వరలోనే దిల్‌ రాజు కలయిక విషయంలో అధికారిక ప్రకటన వెలువడే అవకాశం ఉందట.
మరోవైపు సమంత శకుంతలగా చేస్తే.. మరి దుష్యంతుడు ఎవరు అనేది ఇప్పుడు ప్రశ్న. ఎక్కువమంది నోట వినిపిస్తున్ పేరు అయితే రానా. ఎందుకంటే అలాంటి పాత్రలకు రానా పెట్టింది పేరు. రాజసం ఉట్టిపడే ఆ కటౌట్‌కు రాజు పాత్ర సూపర్‌ అసలు. అయితే రియల్‌ లైఫ్‌లో అన్నాచెల్లెల్లు స్క్రీన్ మీద పెయిర్‌గా కనిపిస్తారా అనేది ఆలోచించాల్సిన విషయం. సమంత పెళ్లి ముందు అయితే ‘బెంగళూరు డేస్‌’లో ఇద్దరూ పెయిర్‌గా నటించారు. మరిప్పుడు ఏం చేస్తారో.
Most Recommended Video
2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!
