దిల్ రాజు కథల ఎంపిక గురించి ఇండస్ట్రీలో కథలు కథలుగా చెప్పుకుంటారు. ఆయన దృష్టిలో ఏదైనా కథ పడితే.. అదృష్టం అనుకుంటుంటారు. అయితే ఇదంతా గతం. ఎందుకంటే ఇటీవల కాలంలో ఆయన ఎంతగానో నమ్మిన సినిమాలు తుస్‌ మంటున్నాయి. నమ్మకంగా చేసిన సినిమాలు ఉసూరుమనిపిస్తున్నాయి. చిన్న సినిమాల నుండి పెద్ద సినిమాల వరకు అన్నింటికీ ఇదే పరిస్థితి. ఇలాంటి సమయంలో దిల్ రాజు నమ్మి ఓ చిన్న సినిమా చేస్తున్నారు.
అంతేకాదు ఈ సినిమా విషంయలో ఆయన చాలా నమ్మకంగా ఉన్నారట. మా సినిమా బాగా ఆడుతుంది.. ఈ మాట చెప్పని సినిమా మనిషి ఉండరు. ఎందుకంటే ఎవరి సినిమా విషయంలో వారికి నమ్మకం ఉంటుంది. అయితే తొలి సినిమా అందులోనూ దర్శకత్వంలో ఎలాంటి ముందస్తు పని అనుభవం లేని వ్యక్తి చేస్తున్న సినిమా మీద నమ్మకం పెట్టుకున్నారు అంటే.. కచ్చితంగా విషయమే అని చెప్పాలి. అలాంటి సినిమా ‘బలగం’.
కమెడియన్‌గా చాలా సినిమాలు, టీవీ షోలు చేసిన వేణు ఈ సినిమాకు దర్శకుడు. ఈ సినిమా విషయంలో దిల్ రాజు నమ్మకం గురించి కథలు కథలుగా చెప్పుకుంటున్నారు. ఈ సినిమా విజయం గురించి కాకుండా.. సినిమా తెచ్చి పెట్టే అవార్డుల గురించి మాట్లాడుతున్నారు అంటే ఈ సినిమా మీద దిల్ రాజు టీమ్‌ ఎంత నమ్మకంతో ఉందో చెప్పొచ్చు. అవును ‘బలగం’ సినిమా విజయం అందించడంతో పాటు.. మంచి పురస్కారాలు కూడా వస్తాయి అని అంటున్నారు.
దిల్ రాజుకు గత కొంతకాలంగా ఏమీ కలసి రావడం లేదు. ‘వకీల్ సాబ్’, ‘ఎఫ్ 3’ విజయాలు సాధించినా.. అంత డబ్బు రాలేదు అంటున్నారు. ‘థ్యాంక్యూ’ డిజాస్టర్‌గా మిగలగా.. ‘వారసుడు’ లెక్కల మీద నమ్మకం లేదు అంటున్నారు. దీంతో తెలంగాణ గ్రామీణ నేపథ్యంలో రూపొందిన ‘బలగం’ పక్కా విజయం సాధిస్తుందని ఆశిస్తున్నారు. అవార్డులు సరే, వసూళ్ల సంగతేంటి అనే మాట కూడా మరోవైపు వినిపిస్తోంది.
అమిగోస్ సినిమా రివ్యూ & రేటింగ్!
పాప్ కార్న్ సినిమా రివ్యూ & రేటింగ్!
వేద సినిమా రివ్యూ & రేటింగ్!
యూ.ఎస్ లో టాప్ గ్రాసర్స్ గా నిలిచిన 10 టాలీవుడ్ సినిమాలు..!
Home