ప్రముఖ నిర్మాత దిల్ రాజుకు అనుకోకుండా పెద్ద ప్రమాదం తప్పింది. అదేదో రోడ్డు ప్రమాధం అనుకుంటే మీరు తప్పులో కాలేసినట్లే. ఇంతకీ విషయం ఏంటంటే దిల్ రాజు నిర్మాత మాత్రమే కాదు, డిస్‌ట్రిబ్యుటర్ కూడా, దాదాపుగా తన సినిమా ప్రస్థానాన్ని డిస్‌ట్రిబ్యుటర్ గా మొదలు పెట్టిన దిల్ రాజు నిర్మాతగా మరి ముల్టీ స్టారర్ సినిమాలు తీసే అంతగా ఎదిగాడు.
ఇదిలా ఉంటే పవర్ స్టార్ పవన్ కల్యాణ్ తో ఒక డైరెక్ట్ సినిమా చెయ్యాలని దిల్ రాజు ఎప్పటి నుంచో ఎదురు చూస్తున్నాడు. కానీ ఆవకాశం పవన్ ఇప్పటివరకూ ఇవ్వకపోవడంతో చేసేది ఏమీ లేక పవన్ ‘సర్దార్’ సినిమాను డిస్‌ట్రిబ్యూట్ చేసి మెల్లగా పవన్ దృష్టిలో పడేందుకు శత విధాల ప్రయత్నించాడు. ఎలా అయినా నైజాం ఏరియా సర్దార్ హక్కులను తన సొంతం చేసుకోవాలనే విశ్వ ప్రయత్నమే చేశాడు, దాదాపుగా 26 కోట్ల భారీ మొత్తానికి ‘సర్దార్’ నైజాం రైట్స్ పాడడానికి ఇంచుమించు ఎగ్రిమెంట్ స్టేజ్ వరకూ వెళ్లాడు…కానీ అది సక్సెస్ కాలేదు. దానికి కారణం ఈరోస్ సంస్థ అప్పటికే ‘సర్దార్’ నైజాం రైట్స్ ను ఇందిరా ఫిలిమ్స్ కు ఇస్తానని మాట ఇవ్వడం అని అంటున్నారు. అయితే ఆ క్షణంలో ‘సర్దార్’ డిస్ట్రిబ్యూషాన్ రైట్స్ మిస్ అయినందుకు దిల్ రాజ్ చాలా బాధ పడినా, చివరకు తనకు మంచే జరిగింది, సినిమా రిసల్ట్ పుణ్యమా అని ఆ సినిమాను కొనకపోవడమే మంచిది అయ్యింది అని తన సన్నిహితుల వద్ద చెబుతున్నట్లు టాక్. ఏది ఏమైనా, ఒక రకంగా చెప్పాలి అంటే దిల్ రాజు అదృష్టవంతుడే మరి.
Home