ఇండియాలో కరోనా సెకండ్ వేవ్ విజృభిస్తున్న సంగతి తెలిసిందే. రోజుకి లక్షల కేసులు వస్తున్నాయి. వేల మంది మృత్యువాత పడ్డారు. దీంతో ఇండియా నుండి వచ్చే ప్రయాణికులపై ఆంక్షలు విధిస్తున్నారు. అమెరికా, ఆస్ట్రేలియా లాంటి దేశాలు భారత్ నుండి వచ్చే విమాన సర్వీసులపై ఆంక్షలు విధించాయి. అమెరికా విధించిన బ్యాన్ నేటి నుండి అమల్లోకి వచ్చింది. గత శుక్రవారం అమెరికా ప్రెసిండెంట్ జో బైడెన్ ట్రావెల్ బ్యాన్ ను విధించారు. దాంతో అమెరికా వెళ్లాల్సిన వారంతా అలెర్ట్ అయ్యారు.
సీనియర్ నిర్మాత దిల్ రాజు చాలా రోజులుగా అమెరికా వెళ్లాలని ప్లాన్ చేస్తున్నారు. ఈ ట్రావెల్ బ్యాన్ తో ఇబ్బంది అవుతుందని ఆయన నిన్ననే అమెరికా వెళ్లారు. రెండో పెళ్లి చేసుకున్న దగ్గర నుండి తన భార్యతో కలిసి హాలిడే ట్రిప్ కూడా వెళ్లాలని దిల్ రాజు అనుకుంటున్నారు. కానీ కరోనా, సినిమా షూటింగ్ ల కారణంగా తన ట్రిప్ ను వాయిదా వేసుకోవాల్సి వచ్చింది. అయితే ఇప్పుడు షూటింగులన్నీ వాయిదా పడడంతో.. ఫైనల్ గా ఆయనకు సమయం దొరికింది.
దీంతో తన భార్యను తీసుకొని అమెరికాకు చెక్కేశారు దిల్ రాజు. అక్కడే మూడు వారాలు ఉండేలా ప్లాన్ చేసుకున్నారు. ఈ ఏడాది ‘వకీల్ సాబ్’ సినిమాతో భారీ విజయాన్ని అందుకున్న దిల్ రాజు.. ప్రస్తుతం నాలుగైదు సినిమాలను నిర్మిస్తున్నారు. ‘ఎఫ్ 3’, ‘థాంక్యూ’, ‘పాగల్’, ‘రౌడీ బాయ్స్’ లాంటి సినిమాలు సెట్స్ లో ఉన్నాయి. ఆయన తిరిగి హైదరాబాద్ వచ్చిన తరువాత కరోనా ఉధృతి తగ్గితే షూటింగ్ లు మొదలుపెడతారు.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
‘జెర్సీ’ లోని ఈ 15 ఎమోషనల్ డైలాగ్స్ ను ఎప్పటికీ మరచిపోలేము..!
