నిర్మాతగా నా 20 ఏళ్ల కల 2020లో తీరుతుంది: దిల్ రాజు

పవన్ కళ్యాణ్ “తొలిప్రేమ” చిత్రం కారణంగా నిర్మాతల కంటే ఎక్కువ లాభాన్ని ఆర్జించిన ఏకైక వ్యక్తి “దిల్ రాజు”. ఆ సినిమా డిస్ట్రిబ్యూటర్ గా సూపర్ సక్సెస్ అందుకొన్న అనంతరం నిర్మాతగా దిల్ రాజు ఇండస్ట్రీలోకి ఎంట్రీ ఇవ్వడంలో కీలకపాత్ర పోషించింది. నిర్మాతగా “దిల్” సినిమాతో నిర్మాతగా ఎంట్రీ ఇచ్చినప్పట్నుండి.. తన డిస్ట్రిబ్యూటర్ గా భారీ లాభాలు తెచ్చిపెట్టిన పవన్ కళ్యాణ్ హీరోగా సినిమా తీయాలని దిల్ రాజు ప్లాన్ చేస్తూనే ఉన్నాడు. మహేష్ బాబు, ప్రభాస్, రామ్ చరణ్, అల్లు అర్జున్, ఎన్టీఆర్ వంటి హీరోలందరితోనూ సినిమాలు నిర్మించిన దిల్ రాజుకు పవన్ కళ్యాణ్ తో సినిమా మాత్రం ఒక కలగా మిగిలిపోతుంది అనుకున్నారు అందరూ.

కానీ.. ఆ అసాధ్యాన్ని సుసాధ్యం చేసి చూపించాడు దిల్ రాజు. పింక్ తెలుగు రీమేక్ లో “లాయర్ సాబ్” (వర్కింగ్ టైటిల్)గా తెలుగులో పవన్ కళ్యాణ్ హీరోగా రీమేక్ చేస్తున్నాడు. ఈ విషయాన్ని నిన్న జరిగిన “ప్రతిరోజూ పండగే” ఈవెంట్ లో కన్ఫర్మ్ చేశాడు. ఫిబ్రవరి నుండి రెగ్యులర్ షూటింగ్ మొదలవుతుంది. పవన్ కళ్యాణ్ 25 రోజులు డేట్స్ ఇచ్చారు. నివేదా థామస్, అంజలి ప్రధాన పాత్రల కోసం ఎంపికవ్వగా.. మరో క్యారెక్టర్ కోసం ప్రస్తుతం సెర్చింగ్ లో ఉన్నారు. వేణు శ్రీరామ్ దర్శకత్వం వహించనున్న ఈ చిత్రానికి తమన్ సంగీత సారధ్యం వహిస్తున్నాడు.

వెంకీ మామ సినిమా రివ్యూ & రేటింగ్!
అమ్మ రాజ్యంలో కడప బిడ్డలు సినిమా రివ్యూ & రేటింగ్!