మొన్నటికి మొన్న ఒక చిన్న నిర్మాత.. రీ రిలీజ్ ల వల్ల చిన్న సినిమాలకి ఇబ్బంది ఎదురవుతుంది అంటూ ఘాటైన కామెంట్లు చేశాడు. ‘చిన్న సినిమాకి సరైన రిలీజ్ డేట్ దొరకడమే కష్టం. రిలీజ్ డేట్ దొరికినా ఎన్ని థియేటర్లలో ఆ సినిమా రిలీజ్ అవుతుందో చెప్పలేని పరిస్థితి. ఇలాంటి పరిస్థితుల్లో పెద్ద సినిమాలను రీ రిలీజ్ చేయడం వల్ల ఎక్కువ స్క్రీన్స్ ఆకుపై అయిపోతున్నాయి.అప్పుడు చిన్న సినిమాలకి స్క్రీన్స్ తగ్గిపోతున్నాయి.
మా సినిమాలకు అదొక తలనొప్పిగా మారింది’ అంటూ బాధపడ్డాడు. ఇప్పుడు ఒక యంగ్ హీరో కమ్ క్యారెక్టర్ ఆర్టిస్ట్ రీ ‘రిలీజ్.. ల వల్ల చిన్న సినిమాకి ఎటువంటి ఇబ్బంది ఉండదు’ అంటూ తన అభిప్రాయాన్ని తెలియజేశాడు. అతను మరెవరో కాదు కునాల్ కౌశిక్. గతంలో ఇతను ‘లైఫ్ స్టైల్’ ‘ఉస్కో’ ‘రావు గారి డైరీ’ ‘రాజు గారి కోడిపులావ్’ వంటి చిత్రాల్లో హీరోగా నటించాడు. అలాగే ’16 ఎవ్రీ డీటెయిల్ కౌంట్’ ‘ఘాజి’ ‘అంతరిక్షం’ ‘ఆ అమ్మాయి గురించి మీకు చెప్పాలి’ వంటి సినిమాల్లో కీలక పాత్రలు పోషించాడు.
అలాగే అక్టోబర్ 27 న రిలీజ్ కాబోతున్న ‘లింగోచ్ఛ’ అనే సినిమాలో మెయిన్ విలన్ గా కనిపించబోతున్నాడు. ఇక ఇతను రీ రిలీజ్.. ల గురించి మాట్లాడుతూ.. ” పెద్ద సినిమాలు రీ రిలీజ్ లు అవ్వడం వల్ల.. చిన్న సినిమాలకి ఇబ్బంది అంటూ ఏమీ ఉండదు. చిన్న సినిమా నిలబడాలి అంటే దిల్ రాజు గారు, అల్లు అరవింద్ గారు, ఏషియన్ సునీల్ గారు వంటి పెద్ద పెద్ద డిస్ట్రిబ్యూటర్లు కనుక రిలీజ్ చేస్తే బాగుంటుంది.
వాళ్ళు కూడా కంటెంట్ లేని సినిమాలను ఏమీ చేయలేరు. కానీ మన సినిమాలో కంటెంట్ ఉంది అంటే ప్రతి చిన్న సినిమా దర్శకుడు, నిర్మాత వెళ్లి.. అలాంటి పెద్ద డిస్ట్రిబ్యూటర్లను సంప్రదించాలి. ముందుగా మన సినిమాలో కంటెంట్ ఉండాలి అది నేను చెప్పేది. మా ‘లింగోచ్ఛ’ సినిమాని ఏషియన్ సినిమాస్ వాళ్ళు రిలీజ్ చేస్తున్నారు. నాకు హ్యాపీగా ఉంది.అందుకు మా దర్శకనిర్మాతలకి స్పెషల్ థాంక్స్ చెప్పాలి” అంటూ (Kunal Kaushik) చెప్పుకొచ్చాడు.
భగవంత్ కేసరి సినిమా రివ్యూ & రేటింగ్!
లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!
