సౌత్‌ సినిమాలకు గతంలో ఎన్నడూ లేనంత రిసప్షన్‌ వస్తోంది. ఇదేదో ఒకటి రెండు సినిమాలను చూసి అన్న మాట కాదు. వరుసగా పాన్‌ ఇండియా స్థాయిలో విజయాలు అందుకుంటున్నాయి. మరోవైపు రెండు, మూడు భాషల్లోనూ హిట్‌ అవుతున్న సినిమాలు సౌత్‌వే. అలా రీసెంట్‌ విడుదలైన చిత్రం ‘కాంతారా’. ఈ కన్నడ సినిమా తెలుగు డబ్బింగ్‌ వెర్షన్‌ శనివారం విడుదలై మంచి టాక్‌ సంపాదించుకుంది. ఇప్పటికే కన్నడలో వసూళ్ల రికార్డులు సృష్టిస్తోంది. దీంతో ఈ సినిమాకు సీక్వెల్‌ ఉంటుందా అనే చర్చ నడుస్తోంది.
‘కాంతారా’ సీక్వెల్‌ గురించి సినిమా దర్శక హీరో రిషబ్‌ శెట్టి దగ్గర ప్రస్తావిస్తే.. నో కామెంట్స్‌ అన్నాడు. దీంతో సినిమా ఉంటుందా? ఉండదా? అనే విషయంలో క్లారిటీ రాలేదు కానీ. సీక్వెల్‌ గురించి ఆలోచన అయితే కొట్టిపారేయలేదు. ‘కాంతార’ చిత్రాన్ని హిందీ, తెలుగులోనూ చిత్రబృందం విడుదల చేసింది. ఈ క్రమంలోనే రిషబ్‌ శెట్టి మీడియాతో మాట్లాడాడు. ‘కాంతార -2’ గురించి ప్రస్తుతానికి ఏం చెప్పలేను. ఎందుకంటే ప్రస్తుతం ‘కాంతార’ టైమ్‌ నడుస్తోంది అంటూ తెలివిగా తప్పించుకున్నాడు.
అక్కడితో ఆగకుండా ‘కాంతారా’ ప్రకృతికి సంబంధించిన కథ. కాబట్టి ఈ సినిమాకు ఉపకథలను చూపించడానికి అవకాశం ఉంది అంటూ సీక్వెల్‌ ఆలోచనలు ఉన్నాయని చెప్పకనే చెప్పాడు. అయితే ఎప్పుడు చేసేది, ఎవరితో చేసేది అనే విషయం మాత్రం చెప్పలేదు. అయితే రక్షిత్‌ శెట్టితో ‘కిర్రాక్‌పార్టీ’కి సీక్వెల్‌ చేస్తాను అని మాత్రం చెప్పాడు. కొత్త కథతో ‘కిర్రాక్‌ పార్టీ’ సీక్వెల్‌ చేస్తాను అని మాత్రం చెప్పాడు. ఆ లెక్కన ‘కిర్రాక్‌ పార్టీ 2’ తర్వాత ‘కాంతారా 2’ ఉంటుంది అనుకోవచ్చు.
‘కాంతార’ను తెలుగులో ‘కాంతార: లెజెండ్‌’గా తీసుకొచ్చారు. రిషబ్‌ శెట్టి, సప్తమి గౌడ, కిషోర్‌, అచ్యుత్‌ కుమార్‌, ప్రమోద్‌ శెట్టి, ప్రకాష్‌ తదితరులు ముఖ్యపాత్రధారులు. అజనీష్‌ లోక్‌నాథ్‌ సంగీతం అందించగా, అరవింద్‌ ఎస్‌.కశ్యప్‌ ఛాయాగ్రాహకుడిగా వ్యవహించారు. ‘కేజీయఫ్‌’తో పాన్‌ ఇండియా నిర్మాణ సంస్థ అయిన హోంబలే ఫిల్మ్స్‌ దీన్ని నిర్మించింది.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
