త్రివిక్రమ్ శ్రీనివాస్, భీమనేని శ్రీనివాసరావు, కరుణాకరణ్, పూరీ జగన్నాధ్, జయంత్ సి.పరాంజీ ల తర్వాత పవన్ కళ్యాణ్ తో కలిసి రెండు సినిమాలకు వర్క్ చేసిన ఏకైక దర్శకుడిగా నిలిచిన కిషోర్ కుమార్ పార్ధసాని అలియాస్ డాలీకి “కాటమరాయుడు” అనంతరం అవకాశాల్లేవ్. పవన్ కళ్యాణ్ తో వరుసబెట్టి “గోపాల గోపాల, కాటమరాయుడు” సినిమాలు తెరకెక్కించిన డాలీ కొంచెం గ్యాప్ తీసుకొని మళ్ళీ ఒక మాస్ సబ్జెక్ట్ ను తయారు చేశాడట. ఈ చిత్రాన్ని మెగా హీరో సాయిధరమ్ తేజ్ తో తెరకెక్కించాలన్నది డాలీ అభీష్టం. ఆల్రెడీ ప్రొడ్యూసర్ ను కూడా రెడీ చేసుకొన్నాడు.
అయితే.. వరుస పరాజయాలతో ఇబ్బందిపడుతున్న సాయి ఇప్పుడప్పుడే రిస్క్ చేసే సాహయం మాత్రం చేయాలనుకోవడం లేదు. అందుకే డాలీ పలుమార్లు అప్రోచ్ అయినా పెద్దగా ఆసక్తి కనబరచలేదట. వెంటనే.. పవన్ కళ్యాణ్ దగ్గర వాలిపోయాడు డాలీ. పవన్ తో ఆల్రెడీ రెండు సినిమాలు తెరకెక్కించిన పరిచయం ఉండడంతో ఆ రిలేషన్ షిప్ సహకారంతో సాయిధరమ్ తేజ్ చేత సినిమా ఒప్పించాలని డాలీ ప్లాన్. అందుకే పవన్ కళ్యాణ్ బిజీ షెడ్యూల్ నుంచి తనకు 20 నిమిషాలు కేటాయించాలని కోరాడట. పవన్ కి గనుక కథ నచ్చి ఒకే చేస్తే సాయిధరమ్ తేజ్ సినిమాకు సైన్ చేయడం కన్ఫర్మ్.
Home