పవన్ స్టార్ పవన్ కళ్యాణ్ తో దిల్ రాజు నిర్మించిన ‘వకీల్ సాబ్’ సినిమా ఎంత పెద్ద సక్సెస్ అందుకుందో తెలిసిందే. కలెక్షన్ల పరంగా ఈ సినిమా బాక్సాఫీస్ వద్ద రికార్డులు సృష్టిస్తోంది. పవన్ కళ్యాణ్ తో సినిమా చేయాలని చాలా కాలంగా ఎదురుచూసిన దిల్ రాజు ఓ భారీ బ్లాక్ బస్టర్ సినిమా తీశారు. అయితే ఇదే ఊపులో పవన్ కళ్యాణ్ తో మరో సినిమా చేయడానికి రెడీ అవుతున్నాడు దిల్ రాజు. పవన్ కళ్యాణ్ కూడా గ్రీన్ సిగ్నల్ ఇచ్చినట్లు తెలుస్తోంది.
ఇప్పుడు దిల్ రాజుకి కావాల్సింది సరైన కథ, టాలెంట్ ఉన్న దర్శకుడు. దిల్ రాజు తలచుకుంటే ఇదేం పెద్ద పని కాదు. ఆయన కాంపౌండ్ లోనే చాలా మంది దర్శకులు రెడీగా ఉంటారు. ఇప్పుడు వాళ్లలో ఒకరిని పవన్ సినిమా కోసం పని చేయమని చెప్పినట్లు సమాచారం. ఇంతకీ ఆ డైరెక్టర్ ఎవరంటే.. వంశీ పైడిపల్లి. ఒక్క ‘ఊపిరి’ తప్ప వంశీ పైడిపల్లి డైరెక్ట్ చేసిన సినిమాలన్నీ దిల్ రాజే నిర్మించాడు. ఇప్పుడు కూడా ఓ కథ పట్టుకొని హీరో కోసం వెతుకుతున్నాడు వంశీ పైడిపల్లి.
అన్నీ కుదిరితే.. దిల్ రాజు బ్యానర్ లోనే ఆ సినిమా ఉంటుందని తెలుస్తోంది. పవన్ తో రెండో సినిమా అనుకున్నప్పుడు దర్శకుడిగా వంశీనే తీసుకోవాలని దిల్ రాజు అనుకున్నాడట. తను సరైన కథ సెట్ చేయకపోతే అప్పుడు వేరే దర్శకుడిని తీసుకోవాలనుకున్నాడు. మొన్నామధ్య ‘హరిహర వీరమల్లు’ సినిమా షూటింగ్ జరుగుతున్న సెట్ కి దిల్ రాజు, వంశీ పైడిపల్లి ఇద్దరూ వెళ్లి పవన్ ని కలిసొచ్చారు. ఆ సమయంలోనే ఈ సినిమా గురించి చర్చలు జరిగినట్లు సమాచారం.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
Home