Ram Charan: చరణ్ తో మూవీపై క్లారిటీ ఇచ్చిన గౌతమ్..?

April 12, 2021 / 12:45 PM ISTByFilmy Focus

Join Us

Ram Charan: చరణ్ తో మూవీపై క్లారిటీ ఇచ్చిన గౌతమ్..?

స్టార్ హీరో రామ్ చరణ్ దర్శకధీరుడు రాజమౌళి డైరెక్షన్ లో ఆర్ఆర్ఆర్ సినిమాలో నటిస్తున్న సంగతి తెలిసిందే. ఈ సినిమా తరువాత చరణ్ శంకర్ దర్శకత్వంలో ఒక సినిమాలో నటిస్తుండగా జెర్సీ డైరెక్టర్ గౌతమ్ తిన్ననూరి డైరెక్షన్ లో కూడా ఒక సినిమాలో చరణ్ నటించబోతున్నారని జోరుగా ప్రచారం జరిగింది. గౌతమ్ తిన్ననూరి ప్రస్తుతం జెర్సీ సినిమా హిందీ రీమేక్ పనులతో బిజీగా ఉన్నారు. చరణ్ తో గౌతమ్ సినిమాకు సంబంధించి వార్తలు వైరల్ అవుతుండటంతో తాజాగా గౌతమ్ స్పందించి పుకార్లకు చెక్ పెట్టారు.

చరణ్ పేరు డైరెక్ట్ గా చెప్పకుండా తన కొత్త సినిమా కోసం ఏ హీరోను కలవలేదని.. ఏ హీరోకు తాను కథ చెప్పలేదని గౌతమ్ తిన్ననూరి స్పష్టం చేశారు. ప్రస్తుతం తన దృష్టంతా హిందీ జెర్సీ సినిమాపైనే ఉందని గౌతమ్ పేర్కొన్నారు. చరణ్ గౌతమ్ కాంబినేషన్ లో సినిమా ఉంటుందని ఆశించిన ఫ్యాన్స్ గౌతమ్ ప్రకటనతో నిరాశకు గురవుతున్నారు. ఇప్పుడు కాకపోయినా భవిష్యత్తులో ఈ కాంబినేషన్ లో ఒక సినిమా తెరకెక్కే అవకాశాలు అయితే పుష్కలంగా ఉన్నాయి.

హిందీ జెర్సీ సినిమాలో షాహిద్ కపూర్ హీరోగా నటిస్తున్నారు. సౌత్ లో హిట్టైన చాలా సినిమాలు నార్త్ లో రీమేక్ కావడంతో పాటు అక్కడ కూడా బ్లాక్ బస్టర్ హిట్టయ్యాయి. తెలుగులో సక్సెస్ అయిన జెర్సీ హిందీలో కూడా సక్సెస్ అవుతుందేమో చూడాల్సి ఉంది. నవంబర్ 5న దీపావళి కానుకగా హిందీ జెర్సీ సినిమా రిలీజ్ కానుంది.