టాలీవుడ్ ఇండస్ట్రీలో దర్శకుడు హను రాఘవపూడి (Hanu Raghavapudi) రూటే సపరేట్ అనే సంగతి తెలిసిందే. అందాల రాక్షసి(Andala Rakshasi) , కృష్ణగాడి వీర ప్రేమగాథ (Krishna Gaadi Veera Prema Gaadha) , లై (LIE) , పడిపడి లేచే మనసు (Padi Padi Leche Manasu) , సీతారామం (Sita Ramam) సినిమాలను తెరకెక్కించిన ఈ దర్శకుడు ఈ సినిమాలలో మెజారిటీ సినిమాలతో ప్రేక్షకులను ఆకట్టుకున్నారు. ఇతర దర్శకులతో పోల్చి చూస్తే హను రాఘవపూడి భిన్నమైన కథాంశాలను ఎంచుకుంటూ ప్రేక్షకులకు మరింత దగ్గరవుతున్నారు. హను రాఘవపూడి తర్వాత మూవీ ప్రభాస్ (Prabhas) హీరోగా మైత్రీ మూవీ మేకర్స్ బ్యానర్ పై ఒకింత భారీ బడ్జెట్ తో తెరకెక్కుతున్న సంగతి తెలిసిందే.
ఈ సినిమాకు సంబంధించిన అప్ డేట్స్ కోసం ప్రభాస్ అభిమానులు కళ్లు కాయలు కాచేలా ఎదురుచూస్తుండగా తాజాగా ఒక మూవీ ఈవెంట్ కు హాజరైన హను రాఘవపూడి ఆసక్తికర విషయాలను వెల్లడించారు. యాక్షన్, హిస్టారికల్ బ్యాక్ డ్రాప్ లో ఈ సినిమా తెరకెక్కుతోందని ఆయన చెప్పుకొచ్చారు. భారీ పీరియాడికల్ ఫిల్మ్ గా ఈ సినిమాను తెరకెక్కిస్తున్నానని ఆయన వెల్లడించారు.
ఇప్పటికే ఈ సినిమాకు మ్యూజిక్ డైరెక్టర్ కూడా ఫైనల్ అయ్యారని విశాల్ చంద్రశేఖర్ (Vishal Chandrasekhar) ఈ సినిమాకు మ్యూజిక్ అందిస్తున్నారని హను రాఘవపూడి పేర్కొన్నారు. ఇప్పటికే ఈ సినిమా కోసం మూడు ట్యూన్స్ ఫైనలైజ్ అయ్యాయని ఆయన క్లారిటీ ఇచ్చారు. సీతారామం సక్సెస్ తో హను రాఘవపూడి పారితోషికం పెరిగిందని తెలుస్తోంది. ప్రభాస్, హను రాఘవపూడి కాంబో మూవీ విజువల్ వండర్ గా ఉండబోతుందని భోగట్టా.
కల్కి (Kalki 2898 AD) ప్రమోషన్స్ లో భాగంగా ప్రభాస్ ఈ సినిమాకు సంబంధించి మరిన్ని అప్ డేట్స్ ఇస్తారేమో చూడాల్సి ఉంది. కల్కి సినిమా పాన్ వరల్డ్ మూవీగా ఎక్కువ సంఖ్యలో భాషల్లో విడుదల కానుంది. ఉగాది కానుకగా కల్కి మూవీ నుంచి ఏదైనా అప్ డేట్ వస్తుందేమో చూడాలి. ప్రభాస్ ప్రతి ప్రాజెక్ట్ కోసం ఎంతో కష్టపడుతున్నారు.
