Harish Shankar: ‘భవదీయుడు భగత్ సింగ్’.. ఇంకెంతకాలం ఈ వెయిటింగ్?

దర్శకుడు హరీష్ శంకర్ ‘గద్దలకొండ గణేష్’ సినిమా తరువాత ఇప్పటివరకు మరో సినిమా చేయలేదు. గత మూడేళ్లుగా ఆయన పవన్ కళ్యాణ్ కాల్షీట్స్ కోసం ఎదురుచూస్తున్నారు. వీరిద్దరి కాంబినేషన్ లో ‘భవదీయుడు భగత్ సింగ్’ అనే సినిమాను అనౌన్స్ చేసిన సంగతి తెలిసిందే. మైత్రి మూవీ మేకర్స్ ఈ సినిమాను నిర్మించాలనుకుంది. ఈ సినిమాకి సంబంధించిన స్క్రిప్ట్ వర్క్ కూడా పూర్తయింది. పవన్ డేట్స్ ఇచ్చిన వెంటనే షూటింగ్ మొదలుపెట్టాలని చూస్తున్నారు.

కానీ పవన్ కళ్యాణ్ మాత్రం కాల్షీట్స్ కేటాయించలేకపోతున్నారు. దానికి చాలా కారణాలే ఉన్నాయి. ఇప్పటికే పవన్ సెట్స్ పై ఉన్న సినిమాలను ఇంకా పూర్తి చేయలేదు. మరోపక్క రాజకీయంగా చాలా యాక్టివ్ అయ్యారు. ఇలాంటి పరిస్థితుల్లో హరీష్ శంకర్ సినిమాను ఎంతసేపటికీ మొదలుపెట్టలేకపోతున్నారు. నిజానికి ఈపాటికే సినిమా మొదలుకావాలి. కానీ ఇంకా స్టార్ట్ కాలేదంటే సందేహాలు కలుగుతున్నాయి. పవన్ కళ్యాణ్ ‘హరిహర వీరమల్లు’ సినిమాను ఇంకా పూర్తి చేయలేదు.

మరోపక్క ‘వినోదయ సిత్తం’ రీమేక్ కి సన్నాహాలు చేస్తున్నారు. ఇవి పూర్తి కాగానే రాజకీయాలకే పూర్తి సమయం కేటాయించాలని నిర్ణయించుకున్నారు. ఈ మధ్య జనసేన పార్టీ మంచి జోరు మీదుంది. ఈ నేపథ్యంలో దాన్ని మరింత ముందుకు తీసుకెళ్లాల్సిన బాధ్యత పవన్ కళ్యాణ్ పై ఉంది. అందుకే ఇప్పటిలో కొత్త సినిమాను మొదలుపెట్టే అవకాశాలు కనిపించడం లేదు.

అందుకే హరీష్ శంకర్, మైత్రి మూవీ మేకర్స్ సంస్థ పవన్ కళ్యాణ్ పరిస్థితిని అర్ధం చేసుకొని ప్రస్తుతానికి ఈ సినిమాను పక్కన పెట్టినట్లు సమాచారం. ఎన్నికలు పూర్తయిన తరువాత పవన్ కళ్యాణ్ అందుబాటులోకి వస్తే అప్పుడు ఈ సినిమా పట్టాలెక్కే ఛాన్స్ ఉంది. ఈలోగా హరీష్ శంకర్ మరో హీరోతో సినిమాను మొదలుపెట్టేలా ఉన్నారు.

ది వారియర్ సినిమా రివ్యూ & రేటింగ్!

Most Recommended Video

రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!