అను కి అవకాశాలు ఇప్పిస్తున్నది అతడేనా ??

అమ్మడు మలయాళం, తెలుగు భాషల్లో కలిపి నటించిన సినిమాలు రెండు, అవి కూడా జస్ట్ యావరేజ్ సినిమాలు. కానీ, సదరు సినిమాల రిజల్ట్ తో సంబంధం లేకుండా అమ్మడికి వరుస అవకాశాలు వెల్లువెత్తుతున్నాయి. పోనీ, అమ్మాయి ఏమైనా పెద్ద అందగత్తా అంటే అదీ కాదు, చూడ్డానికి ఓ మోస్తరుగా ఉంటుంది. కానీ.. ఈ అవకాశాల వెల్లువకు కారణం ఏంట్రా అంటే హాట్ హాట్ న్యూస్ తెలిసింది. అయితే.. ఇది ఎంతవరకూ నిజమో తెలియదు కానీ.. ప్రస్తుతం అమ్మడు ఓ దర్శకుడితో డేటింగ్ చేస్తోందని, ఆ దర్శకుడికి సినిమాల పరంగా పెద్దగా సీన్ లేకపోయినా.. అతడి తండ్రికి ఇండస్ట్రీలో మంచి పేరు ఉండడంతో, ఆయన కాంటాక్ట్స్ ద్వారా అమ్మడికి అవకాశాలు ఇప్పిస్తున్నాడని తెలిసింది.

ఇంకో విశేషం ఏంటంటే.. అతడు ప్రస్తుతం దర్శకత్వం వహిస్తున్న చిత్రంలోనూ అమ్మడిని ఎరికోరి ఎంపిక చేసుకొని, సెట్ లో సినిమాను పట్టించుకోవడం మానేసి అమ్మడితో కబుర్లు చెప్పుకుంటూ కూర్చుంటున్నాడట. ఒకసారి అమ్మాయి విషయంలో హీరోకి-డైరెక్టర్ గారికి మనస్పర్ధలు కూడా వచ్చాయని, హీరో ఏకంగా సెట్స్ నుంచి వెళ్లిపోయాడని కూడా తెలుస్తోంది. ఇకపోతే.. అను ఎమ్మాన్యూల్ ప్రస్తుతం గోపీచంద్ సరసన “ఆక్సిజన్”, రాజ్ తరుణ్ సరసన “కిట్టు” మరియు పవన్ కళ్యాణ్ సరసన మరో సినిమా చేస్తోంది. ఇవి కాకుండా ఇంకొన్ని ప్రోజెక్ట్స్ లైన్ లో ఉన్నాయి. మొత్తానికి ఈ మలయాళ ముద్దుగుమ్మ కెరీర్ ను బాగానే ప్లాన్ చేసుకొంది!

Also, do SUBSCRIBE to our YouTube channel to get latest Tollywood updates.