తెలుగు చిత్ర పరిశ్రమలో కె రాఘవేంద్ర రావు, పూరి జగన్నాథ్ లు హీరోయిన్స్ కి స్పెషల్. ఎందుకంటే వారి దర్శకత్వంలో పరిచయం అయితే తమ కెరీర్ బాగుంటుందని కథానాయికల నమ్మకం. ఇది అనేక సార్లు రుజువు అయింది. తాజాగా కోలీవుడ్ లో లక్కీ హ్యాండ్ గా ఎ.ఎం. రత్నం తనయుడు జ్యోతికృష్ణ కి పేరు వచ్చింది. జ్యోతికృష్ణ తొలి చిత్రం ‘నీ మనసు నాకు తెలుసు’తో కోలీవుడ్ భామ త్రిష టాలీవుడ్ ఎంట్రీ ఇచ్చింది. ఆ సినిమా తర్వాత తెలుగులో త్రిష స్టార్ హీరోయిన్‌గా మారిపోయింది. తర్వాత జ్యోతికృష్ణ డైరక్ట్ చేసిన ‘కేడీ’ తో ఇలియానా, తమన్నా కోలీవుడ్ ఎంట్రీ ఇచ్చారు. ఈ సినిమా ఆర్ధికంగా విజయం సాధించకపోయినప్పటికీ ఇలియానా, తమన్నా కెరీర్ స్పీడ్ గా దూసుకుపోయింది.
తాజాగా తెలుగులో జ్యోతికృష్ణ చేసిన చిత్రం “ఆక్సిజన్” లో గోపీచంద్ సరసన అను ఇమ్మాన్యుయేల్ హీరోయిన్‌గా నటించింది. ఇప్పటికే ఆమె నటించిన రెండు సినిమాలు తెలుగులో విడుదలైనా తొలిసారి సంతకం చేసింది ఈ చిత్రానికే. జ్యోతికృష్ణ లక్కీ హ్యాండ్ మహిమ ఈ సినిమా రిలీజ్ కాకముందే అను తెలుగులో క్రేజీ హీరోయిన్‌గా మారిపోయింది. ఈ సినిమా కూడా హిట్ అయితే టాప్ హీరోయిన్స్ జాబితాలో చేరిపోవడం గ్యారంటీ. ఈ చిత్రం త్వరలో రిలీజ్ కానుంది.
