Baby Movie: బేబీ సినిమా పై ప్రశంసలు కురిపించిన దర్శకేంద్రుడు రాఘవేంద్రరావు!

ఆనంద్ దేవరకొండ, వైష్ణవి చైతన్య హీరో హీరోయిన్లుగా డైరెక్టర్ సాయి రాజేష్ దర్శకత్వంలో ప్రేక్షకుల ముందుకు వచ్చిన చిత్రం బేబీ ఈ సినిమా జూలై 14వ తేదీ ప్రేక్షకుల ముందుకు వచ్చి ఎంతో అద్భుతమైన ఆదరణ సొంతం చేసుకుంది. ఇలా ఈ సినిమా ప్రీమియర్ షో నుంచి మంచి పాజిటివ్ టాక్ సొంతం చేసుకుని ప్రేక్షకులను థియేటర్ కి రప్పిస్తుంది. ఇలా భారి స్థాయిలో ప్రేక్షకాదరణ సంపాదించుకున్నటువంటి ఈ సినిమాపై పలువురు ప్రశంసలు కురిపిస్తున్నారు.

ఇప్పటికే పలువురి సినీ సెలబ్రిటీలు ఈ సినిమా చూసిన అనంతరం సినిమాపై తమ అభిప్రాయాలను తెలియజేస్తూ సినిమా గురించి పాజిటివ్ రివ్యూ ఇస్తున్నారు. ఈ క్రమంలోనే బేబీ సినిమా గురించి దర్శకేంద్రుడు కే రాఘవేంద్రరావు స్పందిస్తూ తన అభిప్రాయాన్ని తెలియజేశారు. ఈ సందర్భంగా ఈయన ట్విట్టర్ వేదికగా బేబీ సినిమా గురించి స్పందిస్తూ…బేబీ సినిమా (Baby Movie) చూస్తూ చాలా ఆనందించానని తెలిపారు.

దర్శకుడు సాయి రాజేష్ కథ స్క్రీన్ ప్లే అద్భుతంగా ఉందని తెలిపారు. ఇక నటీనటులు ఆనంద్ దేవరకొండ వైష్ణవి చైతన్య చాలా అద్భుతంగా నటించారని అలాగే మ్యూజిక్ బ్యాగ్రౌండ్ సోర్స్ చాలా అద్భుతంగా ఉన్నాయి అంటూ ఈ సందర్భంగా రాఘవేంద్రరావు ఈ సినిమా గురించి తన అభిప్రాయాలను తెలియజేస్తూ చేసినటువంటి ట్వీట్ వైరల్ గా మారడంతో డైరెక్టర్ సాయి రాజేష్ స్పందించారు.

ఈ క్రమంలోనే సాయి రాజేష్ రిప్లై ఇస్తూ మీరు దర్శకత్వం వహించిన ఘరానా మొగుడు సినిమా చూసిన తరువాత డైరెక్టర్ అవ్వాలని నిర్ణయించుకున్నాను సార్ అంటూ ఎంతో సంతోషంగా రాఘవేంద్రరావు చేసిన ట్వీట్ కి రిప్లై ఇస్తూ డైరెక్టర్ సాయి రాజేష్ చేసిన ట్వీట్ వైరల్ గా మారింది.ఇక ఈ సినిమా విడుదలైన రెండు రోజులకి సుమారు 14 కోట్ల కలెక్షన్లను రాబట్టి సంచలనం సృష్టించింది అని చెప్పాలి.

బేబీ సినిమా రివ్యూ & రేటింగ్!

హాస్టల్ డేస్ వెబ్ సిరీస్ రివ్యూ & రేటింగ్!
మహావీరుడు సినిమా రివ్యూ & రేటింగ్!