Hostel Days Review in Telugu: హాస్టల్ డేస్ వెబ్ సిరీస్ రివ్యూ & రేటింగ్!

నటీనటుల పనితీరు: ప్యూన్ గా చేసిన రఘు కారుమంచి .. వాచ్ మెన్ గా చేసిన తాగుబోతు రమేష్ .. స్టేషనరీ షాప్ కి నడుపుకునే పాత్రలో ఝాన్సీ .. అందరికీ తెలిసిన వారు కాబట్టి వాళ్ళ పాత్రలు వెంటనే రిజిస్టర్ అయిపోతాయి. రాజీవ్ కనకాల కూడా గెస్ట్ రోల్ ఇచ్చారు.దరహాస్ మాటూరు, అక్షయ్ లగుసాని, మౌళి తనూజ్, అనన్య అకుల, ఐశ్వర్య హోలాకాల్ వంటి వారు బాగానే చేశారు. అయితే జైత్రి మకానా తన మార్క్ నటనతో మంచి మార్కులు వేయించుకుంటుంది. సిరీస్ కి ఈమె పాత్ర హైలెట్ అని చెప్పాలి. భవిష్యత్తులో ఈమెకు మరిన్ని మంచి పాత్రలు వస్తాయి అనడంలో అతిశయోక్తి లేదు.

సాంకేతిక నిపుణుల పనితీరు: దర్శకుడు ఆదిత్య మండల హిందీలో సక్సెస్ అయిన సిరీస్ స్ఫూర్తితో హాస్టల్ డేస్ ను మలిచాడు.కానీ సక్సెస్ ఫుల్ సిరీస్ ను తీసుకున్నప్పుడు కొత్త ఫేస్ లతో కథనాన్ని నడిపించాలి అనుకోవడం అనేది ఛాలెంజింగ్ విషయం. అయితే ఆ ఛాలెంజ్ ను అతను సీరియస్ గా తీసుకుని కొత్త వాళ్ళ నుండి కూడా ప్రామిసింగ్ పెర్ఫార్మన్స్ ను రాబట్టాడు. బడ్జెట్ కి తగ్గట్టు సన్నివేశాలు డిజైన్ చేసుకోవడం అనేది కూడా దర్శకుడికి ఉండాల్సిన మంచి అలవాటు. అది ఆదిత్యకి ఉంది అని ప్రతి సన్నివేశం చెబుతుంది. సిద్ధార్థ సదాశివుని నేపధ్య సంగీతం బాగా కుదిరింది. ఫహాద్ అద్బుల్ మజీద్ సినిమాటోగ్రఫీ కూడా ప్రతి ఫ్రేమ్ రిచ్ గా కనబడటంలో సహాయపడింది.

విశ్లేషణ: యూత్ కి ఈ సిరీస్ బాగా నచ్చుతుంది. అలాగే మిగిలిన వారికి కూడా తమ కాలేజీ డేస్ ను గుర్తుచేసే విధంగా ఉంది. అమెజాన్ ప్రైమ్ వీడియోలో ఉంది నిస్సందేహంగా చూసేయండి.

రేటింగ్ : 3/5

Click Here To Read in ENGLISH 

Watch Here