వరుణ్ కోసం రాసుకున్న కథలో పవన్!

సినిమా ఇండస్ట్రీలో ఒక హీరో కోసం రాసుకున్న కథ మరో హీరోకి వెళ్లడం చాలా కామన్. అలా కొందరు హీరోలు రిజెక్ట్ చేసిన కథలతో చాలా మంది హీరోలు సక్సెస్ లు అందుకున్న సంఘటనలు కూడా ఉన్నాయి. తాజాగా పవన్ కళ్యాణ్ నటిస్తోన్న సినిమా మరో హీరో కోసం రాసుకున్న కథ అని తెలిసి అందరూ ఆశ్చర్యపోతున్నారు. పవర్ స్టార్ పవన్ కళ్యాణ్, దర్శకుడు క్రిష్ కాంబినేషన్ లో ‘హరిహర వీరమల్లు’ అనే సినిమా తెరకెక్కుతోన్న సంగతి తెలిసిందే. రీసెంట్ గా ఈ సినిమా ఫస్ట్ లుక్ గ్లిమ్ప్స్ ని విడుదల చేసింది చిత్రబృందం.

వీలైనంత త్వరగా షూటింగ్ పూర్తి చేసి సంక్రాంతి కానుకగా సినిమాను విడుదల చేయాలని ప్లాన్ చేస్తున్నారు. ఈ సినిమాపై క్రిష్ చాలా నమ్మకం పెట్టుకున్నాడు. కొన్నాళ్లుగా క్రిష్ కెరీర్ లో సరైన హిట్టు పడలేదు. ఎన్టీఆర్ బయోపిక్ కూడా నిరాశ పరిచింది. దీంతో పవన్ సినిమాతో కమర్షియల్ గా కూడా తన సత్తా చాటాలని చూస్తున్నాడు. ఈ సినిమాలో కమర్షియల్ కథకు కావాల్సిన అన్ని అంశాలు మిక్స్ చేసినట్లు సమాచారం. అయితే ఈ సినిమా కథ పవన్ కోసం రాసుకున్నది కాదట. మెగాహీరో వరుణ్ తేజ్ కోసం ఈ కథ రాసుకున్నాడు దర్శకుడు క్రిష్.

‘కంచె’ సినిమా తరువాత వరుణ్ తేజ్ తో మరో సినిమా చేయాలని భావించిన క్రిష్ ‘హరిహర వీరమల్లు’ కథను సిద్ధం చేశాడట. అయితే వరుణ్ మార్కెట్ కి.. ఈ సినిమా బడ్జెట్ సహకరించలేదట. వరుణ్ తేజ్ మార్కెట్ రేంజ్ కంటే రెండు, మూడింతలు సినిమా బడ్జెట్ ఎక్కువ అవుతుండడంతో ఈ కథను పక్కన పెట్టేశారట. ఆ తరువాత జేమ్స్ బ్యాండ్ తరహాలో స్టైలిష్ యాక్షన్ ఎంటర్టైనర్ స్క్రిప్ట్ తయారు చేశారట. కానీ చివరికి ఆ కథ కూడా పక్కకు వెళ్లిపోయింది. అలా వరుణ్ కోసం అనుకున్న వీరమల్లు కథను పవన్ తో చేస్తున్నారన్నమాట.

Most Recommended Video

శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!