పవన్ కోసం దిగనున్న హాలీవుడ్ నిపుణులు!

September 10, 2020 / 06:24 PM ISTByFilmy Focus

Join Us

పవర్ స్టార్ పవన్ కళ్యాణ్ తన 27వ చిత్రంగా దర్శకుడు క్రిష్ డైరెక్షన్ లో ఓ భారీ చిత్రం చేస్తున్నారు. మొఘలుల కాలం నాటి పీరియాడిక్ యాక్షన్ డ్రామాగా ఈ చిత్రాన్ని దర్శకుడు క్రిష్ తెరకెక్కిస్తున్నారు. పవన్ కళ్యాణ్ మొదటిసారి పీరియాడిక్ మూవీ చేస్తున్నారు. ఈ చిత్రంలో పవన్ కళ్యాణ్ మొఘల్ పాలకులకు చుక్కలు చూపించే బందిపోటు పాత్ర చేస్తున్నారు. పవన్ బర్త్ డే కానుకగా విడుదలైన ప్రీ లుక్ విశేష ఆదరణ దక్కించుకుంది.

ఇప్పటికే ఈ చిత్ర షూటింగ్ మొదలుకాగా మూవీపై భారీ అంచనాలు ఉన్నాయి. నిర్మాత ఏఎమ్ రత్నం భారీ బడ్జెట్ తో ఈ చిత్రాన్ని తెరకెక్కిస్తున్నారు. కాగా ఇది పీరియాడిక్ ఫిక్షనల్ స్టోరీ నేపథ్యంలో మూవీ కొరకు విదేశీ నిపుణలు పనిచేయనున్నారట.కథ రీత్యా విఎఫ్ఎక్స్ వర్క్ కి చాలా ప్రాధాన్యం ఉంటుందట. దీనితో విఎఫ్ఎక్స్ వర్క్ కోసం హాలీవుడ్ చిత్రాలకు పనిచేసిన నిపుణులను పిలిపించనున్నారట. అద్భుతమైన సెట్స్ తో పాటు అబ్బురపరిచే విఎఫ్ఎక్స్ ఈ చిత్రంలో ప్రత్యేక ఆకర్షణగా నిలుస్తాయని సమాచారం.

ఇప్పటికే ఈ చిత్ర షూటింగ్ మొదలుకావడం జరిగింది. లాక్ డౌన్ లేని పక్షంలో క్రిష్ మూవీ చిత్రీకరణ కూడా 50 శాతానికి పైగా పూర్తి అయ్యేది. కాగా ఈ మూవీలో బాలీవుడ్ హాట్ బ్యూటీ జాక్విలిన్ ఫెర్నాండెజ్ ఒక హీరోయిన్ గా నటిస్తున్నట్లు వార్తలు వస్తున్నాయి. కాగా పవన్ కమ్ బ్యాక్ మూవీ వకీల్ సాబ్ చిత్రీకరణ చివరి దశలో ఉంది. హరీష్ మరియు సురేంధర్ రెడ్డి చిత్రాలలో కూడా పవన్ నటించాల్సివుంది.