Lokesh Kanagaraj: లోకేష్ కనకరాజ్ డైరెక్షన్లో ప్రభాస్ చరణ్?

ప్రస్తుతం సౌత్ ఇండస్ట్రీలో దర్శకులుగా ఎంతో మంచి గుర్తింపు సంపాదించుకున్నటువంటి వారిలో డైరెక్టర్ లోకేష్ కనకరాజ్ ఒకరు. కమల్ హాసన్ హీరోగా నటించిన విక్రమ్ సినిమా ద్వారా ఈయన పేరు ఒక్కసారిగా మారుమోగిపోయింది.ఇలా ఈ సినిమా మంచి సక్సెస్ కావడంతో టాలీవుడ్ హీరోల చూపు కూడా లోకేష్ పై పడింది. దీంతో పాన్ ఇండియా స్టార్ హీరోలైనటువంటి చరణ్ ప్రభాస్ వంటి హీరోలు కూడా లోకేష్ డైరెక్షన్లో సినిమా చేయడం కోసం ఎదురుచూస్తున్నారు.

ఇక లోకేష్ కనకరాజ్ ప్రస్తుతం తన సినిమా షూటింగ్ పనులలో ఎంతో బిజీగా ఉన్నారు. ఈయన ప్రస్తుతం విజయ్ హీరోగా నటిస్తున్నటువంటి లియో సినిమాకు దర్శకత్వం వహించారు. ఈ సినిమా అనంతరం రజనీకాంత్ తో మరొక సినిమా చేయబోతున్నారు. అలాగే విక్రమ్ సినిమా సీక్వెల్ కూడా ఉండబోతుందని గతంలో ప్రకటించారు. ఈ క్రమంలోనే ఈయన డైరెక్షన్లో ప్రభాస్ చరణ్ సినిమాలు కూడా ఉండబోతున్నాయని వార్తలు వచ్చాయి.

తాజాగా డైరెక్టర్ లోకేష్ కనగరాజ్ మాట్లాడుతూ తనకు టాలీవుడ్ పాన్ ఇండియా స్టార్ హీరోలైనటువంటి ప్రభాస్ రాంచరణ్ లతో గత కొంతకాలంగా ఎంతో మంచి పరిచయం ఉందని తెలిపారు. గతకొద్ది రోజుల క్రితం ప్రభాస్ కి తాను ఒక స్టోరీ చెప్పానని అయితే ఈ సినిమా చేయడానికి ప్రభాస్ చాలా ఆసక్తిగా ఉన్నారని వెల్లడించారు.త్వరలోనే మా ఇద్దరి సినీ కెరియర్ లో ది బెస్ట్ మూవీ ప్రేక్షకుల ముందుకు రాబోతుందని ఈయన ఆశాభావం వ్యక్తం చేశారు.

ఇక చరణ్ గురించి కూడా (Lokesh Kanagaraj) లోకేష్ మాట్లాడుతూ.. రామ్ చరణ్ తో కూడా తాను గత కొంతకాలంగా టచ్ లో ఉన్నానని చెప్పుకొచ్చారు.ఇలా పాన్ ఇండియా స్టార్స్ అయినటువంటి చరణ్ ప్రభాస్ తో కరెక్ట్ టైం లో తన సినిమాలు ప్రేక్షకుల ముందుకు రాబోతున్నాయి అంటూ ఈ సందర్భంగా లోకేష్ చేసిన ఈ కామెంట్స్ ప్రస్తుతం సోషల్ మీడియాలో వైరల్ అవుతున్నాయి.ప్రస్తుతం ప్రభాస్ రాంచరణ్ ఇద్దరు కూడా వీరి సినిమా షూటింగ్ పనులలో బిజీగా ఉన్న విషయం మనకు తెలిసిందే.

అశ్విన్స్ సినిమా రివ్యూ & రేటింగ్!

ఆ హీరోయిన్లలా ఫిట్ నెస్ కంటిన్యూ చేయాలంటే కష్టమే?
తన 16 ఏళ్ళ కెరీర్లో కాజల్ రిజెక్ట్ చేసిన సినిమాల లిస్ట్..!