టాలీవుడ్ ఇండస్ట్రీలో వేగంగా సినిమాలను తెరకెక్కించే దర్శకులలో మారుతి ఒకరు. మారుతి డైరెక్షన్ లో తెరకెక్కిన పక్కా కమర్షియల్ సినిమా జులై 1వ తేదీన థియేటర్లలో రిలీజ్ కానుంది. ఈ మధ్య కాలంలో సరైన సక్సెస్ లేని గోపీచంద్ ఈ సినిమాతో కచ్చితంగా సక్సెస్ ట్రాక్ లోకి వస్తానని భావిస్తున్నారు. ఈ సినిమా తర్వాత ప్రభాస్ మారుతి కాంబినేషన్ లో ఒక సినిమా తెరకెక్కనున్న సంగతి తెలిసిందే. అయితే ప్రభాస్ వరుసగా పాన్ ఇండియా సినిమాలలో నటిస్తున్న నేపథ్యంలో ప్రభాస్ సినిమా ఆలస్యమైతే మారుతి నాని కాంబినేషన్ లో సినిమా తెరకెక్కే ఛాన్స్ ఉందని తెలుస్తోంది.
నాని మారుతి కాంబినేషన్ లో కొన్నేళ్ల క్రితం భలే భలే మగాడివోయ్ సినిమా తెరకెక్కగా ఈ సినిమా కమర్షియల్ గా కూడా సక్సెస్ సాధించింది. వరుస ఫ్లాపులతో కెరీర్ లో ఒడిదొడుకులు ఎదుర్కొంటున్న నాని ఈ సినిమా సక్సెస్ తో ఫామ్ లోకి వచ్చారు. నాని నటించిన సినిమాలు సక్సెస్ సాధిస్తున్నా కమర్షియల్ గా రికార్డ్ స్థాయిలో కలెక్షన్లను సొంతం చేసుకోవడంలో ఫెయిలవుతున్నాయి. అంటే సుందరానికి సినిమా కలెక్షన్లలో భారీ డ్రాప్ కనిపిస్తున్న సంగతి తెలిసిందే.
మారుతి డైరెక్షన్ లో నాని నటిస్తే నాని కెరీర్ కు కూడా మేలు జరుగుతుందని చెప్పడంలో సందేహం అవసరం లేదు. నాని మారుతి కాంబోలో సినిమాకు సంబంధించి అధికారిక ప్రకటన రావాల్సి ఉంది. నాని ప్రస్తుతం దసరా సినిమాలో నటిస్తున్నారు. నాని కెరీర్ లోనే హైయెస్ట్ బడ్జెట్ తో ఈ సినిమా తెరకెక్కుతుండగా ఈ సినిమాతో నాని కమర్షియల్ గా ఎలాంటి ఫలితాన్ని అందుకుంటారో చూడాల్సి ఉంది.
మారుతి కూడా పక్కా కమర్షియల్ సినిమాతో సక్సెస్ సాధిస్తే మాత్రమే ప్రభాస్ సినిమాకు సంబంధించి అధికారిక ప్రకటన వస్తుందని వార్తలు వస్తున్నాయి. ప్రభాస్ మారుతి కాంబో మూవీకి రాజా డీలక్స్ అనే పేరును పరిశీలిస్తున్నారు.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
Home