డైరెక్టర్ మారుతి దర్శకత్వంలో ఇప్పటివరకు ఎన్నో సినిమాలు ప్రేక్షకుల ముందుకు వచ్చి ప్రేక్షకులను పెద్ద ఎత్తున సందడి చేశాయి. ఇలా సరికొత్త కామెడీ చిత్రాల ద్వారా మారుతి ప్రేక్షకుల ముందుకు వచ్చి డైరెక్టర్ గా ఎంతో మంచి సక్సెస్ అందుకున్నారు. ఇక ఇటీవల కాలంలో ఈయన సినిమాలు కూడా అనుకున్న స్థాయిలో ప్రేక్షకులను ఆకట్టుకోలేకపోతున్నాయి. ఇక ప్రస్తుతం మారుతి ప్రభాస్ తో సినిమా చేస్తున్న విషయం అందరికీ తెలిసిందే. ప్రభాస్ హీరోగా మారుతి డైరెక్షన్లో రాజా సాబ్ సినిమా షూటింగ్ పనులను జరుపుకుంటుంది.
ఈ సినిమా ఈ ఏడాది చివరిన లేదా వచ్చే ఏడాది సంక్రాంతి పండుగను పురస్కరించుకొని ప్రేక్షకుల ముందుకు రాబోతుందని తెలుస్తోంది. ఇదిలా ఉండగా తాజాగా ఈ సినిమా గురించి డైరెక్టర్ మారుతి చేసినటువంటి కామెంట్స్ ప్రస్తుతం వైరల్ అవుతున్నాయి. తాజాగా ట్రూ లవర్ అనే సినిమా ట్రైలర్ లాంచ్ కార్యక్రమంలో పాల్గొన్నటువంటి మారుతి రాజా సాబ్ గురించి మాట్లాడుతూ పలు విషయాలు తెలిపారు.
నా సినిమా గురించి నేను మాటల్లో చెప్పను చేతల్లోనే చూపిస్తానని తెలిపారు. కచ్చితంగా నేనేంటో ఈ సినిమాతో మీరు చూస్తారు. మంత్లీ ఒక అప్డేట్ అన్నామని చెప్పి ఏది పడితే అది ఇవ్వలేము కదా.. ఒకవేళ ఏదైనా అప్డేట్ ఇస్తే ఇది కూడా అప్డేటేనా అంటూ మీరే మాట్లాడుతారు. అందుకే సరికొత్త అప్డేట్ త్వరలోనే ఇవ్వబోతున్నామని తెలిపారు.
అభిమానులను కొద్ది రోజులు వెయిట్ చేయమని తెలిపారు. ఫ్యాన్స్ సోషల్ మీడియాలో నాకు మెసేజ్ లు చేస్తున్నారు. మీకు నచ్చే విధంగానే మీరు అనుకున్న దానికంటే పది రెట్లు ఎక్కువగా ఉండేలాగే అప్డేట్ ఇస్తామంటూ (Maruthi) మారుతి చేసిన ఈ కామెంట్స్ వైరల్ అవుతున్నాయి.
అంబాజీపేట మ్యారేజ్ బ్యాండ్ సినిమా రివ్యూ & రేటింగ్!
మిస్ పర్ఫెక్ట్ వెబ్ సిరీస్ రివ్యూ & రేటింగ్!
బూట్‌కట్ బాలరాజు సినిమా రివ్యూ & రేటింగ్!
