Nag Ashwin: కల్కి రహస్యాల గుట్టు విప్పిన నాగ్ అశ్విన్.. ఏం చెప్పారంటే?

మన దేశంలో ఈ ఏడాది ఇప్పటివరకు విడుదలైన సినిమాలలో బిగ్గెస్ట్ బ్లాక్ బస్టర్ హిట్ ఏదనే ప్రశ్నకు కల్కి 2898 ఏడీ (Kalki 2898 AD) సినిమా పేరు సమాధానంగా వినిపిస్తుంది. నాగ్ అశ్విన్ (Nag Ashwin) ఈ సినిమా కోసం దాదాపుగా నాలుగేళ్లు కష్టపడ్డారు. ఈ సినిమాకు సంబంధించిన ప్రతి విషయంలో నాగ్ అశ్విన్ కేర్ తీసుకున్నారు. రాజమౌళి (Rajamouli) , రామ్ గోపాల్ వర్మ (Ram Gopal Varma)  మా సినిమాను సపోర్ట్ చేయడానికి ముందుకు వచ్చారని నాగ్ అశ్విన్ తెలిపారు.

ఆయా పాత్రల కోసం వాళ్లిద్దరినీ ఒప్పించాల్సి వచ్చిందని మంచి మనస్సుతో వాళ్లు ముందుకు వచ్చారని నాగ్ అశ్విన్ వెల్లడించారు. ఈ సినిమాలో నటించిన ప్రధాన నటులకు ఎంతోమంది ఫ్యాన్స్ ఉన్నారని ఆయన అన్నారు. ఈ సినిమాలోని ప్రధాన నటుల పాత్రలకు ప్రాధాన్యత ఉండేలా జాగ్రత్తలు తీసుకున్నామని నాగ్ అశ్విన్ చెప్పుకొచ్చారు. అశ్వత్థామ పాత్రలో అమితాబ్ (Amitabh Bachchan)  మినహా మరొకరిని ఊహించుకోలేదని ఆయన అన్నారు.

దేశంలోని పెద్ద స్టార్ లలో అమితాబ్ ఒకరని ఆయన మాత్రమే ఈ పాత్రను మరింత శక్తిమంతంగా చేయగలరని అనిపించిందని నాగ్ అశ్విన్ పేర్కొన్నారు. అమితాబ్, ప్రభాస్ (Prabhas) మధ్య యాక్షన్ సీన్స్ తీయాలేదని నా కల అని నాగ్ అశ్విన్ కామెంట్స్ చేశారు. కల్కి సినిమాకు ఇప్పటివరకు 1100 కోట్ల రూపాయలకు పైగా కలెక్షన్లు వచ్చాయి. కల్కి సినిమాలో బౌంటీ ఫైటర్ గా రాజమౌళి కనిపించారు.

కల్కి 2898 ఏడీ సినిమా నిర్మాతకు మంచి లాభాలను అందించిన సంగతి తెలిసిందే. కల్కి 2898 ఏడీ సినిమా ఈ వారం కూడా రికార్డ్ స్థాయి స్కీన్లలో ప్రదర్శితమవుతోంది. కల్కి 2898 ఏడీ మూడు గంటల నిడివితో తెరకెక్కినా ప్రతి సీన్ ప్రేక్షకులను ఎంతగానో మెప్పించింది. నాగ్ అశ్విన్ కల్కి సీక్వెల్ తో ఇప్పటికే ఎన్నో రికార్డులను సొంతం చేసుకోగా రాబోయే రోజుల్లో మరిన్ని రికార్డులను సొంతం చేసుకుంటారేమో చూడాల్సి ఉంది.