ఏంటీ.. టైటిల్‌ చూసి పవన్‌ కల్యాణ్‌ ఫ్యాన్‌ అయిన నితిన్.. బాలయ్యతో సినిమా చేయడమేంటి అనుకుంటున్నారా? ఆ నితిన్ ఈ నితిన్ ఒక్కరు కాదు కానీ.. టాలీవుడ్‌లో ఒకరి ఫ్యాన్‌ ఒకరు సినిమాలు తీయకూడదని లేదు కూడా. ఈ విషయం తర్వాత చూద్దాం. ఇప్పుడు బాలయ్య – డైరక్టర్‌ నితిన్ గురించి మాట్లాడుకుందాం. ‘బాయ్స్‌ హాస్టల్‌’ పేరుతో కన్నడ సినిమా ‘హాస్టల్‌ హుడుగారు బెకగిద్దరే’ డబ్బింగ్‌ చేసుకుని విడుదలకు సిద్ధంగా ఉంది. ఈ నేపథ్యంలో ఆ సినిమా దర్శకుడు నితిన్ కృష్ణమూర్తి మీడియాతో మాట్లాడారు.
‘బాయ్స్‌ హాస్టల్‌’ సినిమా గురించి చెబుతూనే… తన మనసులో మాట గురించి కూడా చెప్పారు. టాలీవుడ్‌లో ఎలాంటి సినిమా చేయాలని ఉంది, ఎవరిని డైరక్ట్‌ చేయాలని ఉంది అనే విషయాలు చెప్పేశారు. ‘‘అవకాశం వస్తే తెలుగులో సినిమాలు తప్పకుండా చేస్తా. బాలకృష్ణతో సినిమా చేయాలని ఉంది. కొన్ని కథలు రాసుకుంటున్నా’’ అని క్లారిటీ ఇచ్చేశారు నితిన్. దీంతో ఇప్పుడు ఆయన ఎలాంటి కథ రాస్తారు, రాస్తే బాలయ్య (Balayya Babu) ఓకే చేస్తారా, చేస్తే ఎప్పుడు ఉంటుంది అనే లెక్కలు అభిమానుల మనసుల్లో ఉన్నాయి.
‘హాస్టల్‌ హుడుగారు బెకగిద్దరే’ సినిమాను కన్నడలో చూసిన కొంతమంది ఇప్పటికే నితిన్ కేక అంటూ మెచ్చేసుకుంటున్నారు. మరోవైపు బాలయ్య ఇలాంటి ప్రయోగాలకు ముందుంటారు కాబట్టి నచ్చితే వెంటనే ఓకే చేసేస్తారు. అయితే ఇప్పటికిప్పుడు బాలయ్యతో సినిమా చేసే ఛాన్స్‌ కష్టమే. ఎందుకంటే వరుసలో చాలా సినిమాలు, చాలామంది దర్శకులు ఉన్నారు. దానికితోడు ఏపీలో ఎన్నికల వేడి మొదలవుతోంది. కాబట్టి బాలయ్య కొన్ని రోజులు అటు బిజీ అయిపోతారు. కాబట్టి ఇంత త్వరగా కష్టమే.
‘హాస్టల్‌ హుడుగారు బెకగిద్దరే’ డబ్బింగ్‌ ‘బాయ్స్‌ హాస్టర్‌’ గురించి చూస్తే… ప్రయోగంలా మొదలుపెట్టిన ఈ సినిమా బ్లాక్‌బస్టర్‌ అయ్యింది. తెరపై 500పైగా నటులు కనిపిస్తే, 120 మందికి డైలాగ్స్‌ ఉన్నాయి. డబ్బింగ్‌ సినిమా అనే ఆలోచనే రాకుండా… కొన్ని మార్పులు చేశాం అంటున్నారు నితిన్. రష్మి గౌతమ్‌, తరుణ్‌ భాస్కర్‌ సీన్స్‌ అందుకే యాడ్‌ చేశారట.
2023 టాప్- 10 గ్రాసర్స్.. ఏ సినిమా ఎక్కువ కలెక్ట్ చేసిందంటే?
‘భోళా శంకర్’ తో పాటు కోల్‌కతా బ్యాక్ డ్రాప్ లో రూపొందిన 10 సినిమాల రిజల్ట్స్.!
‘వాల్తేరు..’ టు ‘జైలర్’.. ఈ ఏడాది ఫస్ట్ వీక్ ఎక్కువ కలెక్షన్స్ రాబట్టిన సినిమాల లిస్ట్
