మహేష్ నెక్స్ట్ మూవీ దాదాపు డైరెక్టర్ పరుశురాం తో ఖాయం అయ్యింది. దీనిపై అధికారిక ప్రకటన రాకున్నప్పటికీ ఇప్పటికే ఈ ప్రాజెక్ట్ ఓకే అయినట్టు విశ్వసనీయ సమాచారం. ఇక ఈనెల 31న మహేష్ తండ్రి గారైన సూపర్ స్టార్ కృష్ణ పుట్టిన రోజు కావడంతో ఆ రోజున మహేష్, పరుశురాంతో మూవీకి సంబంధించిన అధికారిక ప్రకటన చేస్తారని గట్టిగా వినిపిస్తుంది. ఐతే మహేష్ తో పరుశురాం చేసే మూవీ ఎలా ఉంటుందో అని చాలా మంది ఫ్యాన్స్ లో ఆసక్తి నెలకొని ఉంది.
దానికి కారణం ఇప్పటివరకు డైరెక్టర్ పరుశురాం మాస్ కమర్షియల్ మూవీ చేయలేదు. అలాగే పరుశురాం ఓ స్టార్ హీరోతో మూవీ చేయలేదు. ఆయన చేసిన పెద్ద హీరో రవితేజ మాత్రమే. ఆయనతో చేసిన రెండు చిత్రాలు ఆంజనేయులు, సారొస్తారు పరాజయం పొందాయి.దీనితో మహేష్ ని పరుశురాం హ్యాండిల్ చేయగలడా అని ఫ్యాన్స్ లో ఆందోళన నెలకొంది. ఐతే ఫ్యాన్స్ భయాలు పెట్టుకోవాల్సిన పనిలేదంటున్నారు పరుశురాం. ఈ చిత్రం విషయంలో పరుశురాం ఏమాత్రం ఫ్యాన్స్ కి నిరాశపరచడట.
ఇప్పటి వరకు పరిచయం చేయని తనలోని మాస్ యాంగిల్ మొత్తం బయటికి మహేష్ కోసం తీస్తాడట. మాస్ డైలాగ్స్, పవర్ ఫుల్ సన్నివేశాలను ఈ మూవీ స్క్రిప్ట్ లో పొందుపరిచాడట. మహేష్ నుండి ఫ్యాన్స్ ఆశించే అన్ని కమర్షియల్ అంశాలు పుష్కలంగా ఈ చిత్రంలో ఉంటాయని ఆయన చెప్పుకొస్తున్నారు. ఒక పట్టాన స్క్రిప్ట్ ఒకే చేయని మహేష్ పరుశురాం తో సినిమా ఒప్పుకున్నాడు అంటే… విషయం ఉంటేనా కదా..!
Most Recommended Video
‘బాహుబలి’ ని ముందుగా ప్రభాస్ కోసం అనుకోలేదట…!
పోకిరి స్టోరీకి మహేష్ చెప్పిన చేంజెస్ అవే..!
హీరోయిన్స్ గా ఎదిగిన హీరోయిన్స్ కూతుళ్లు వీరే..!
