‘భారతీయుడు’… ‘భారతీయుడు 2’.. ఈ రెండు సినిమాల మధ్య గ్యాప్ 17 ఏళ్లు. మామూలుగా అయితే ఇది చాలా ఎక్కువ. అందుకేనేమో ఇక ‘భారతీయుడు 2’ రాదు అని ఆ మధ్య మాట్లాడుకున్నారు కూడా. కానీ అంచనాలను తలకిందులు చేస్తూ ఆ సినిమా వచ్చేసింది. అయితే ఇప్పుడు ‘భారతీయుడు 3’ ఉంటోంది అంటున్నారు. దీంతో ‘అయితే ఈ సినిమా కోసం మరో 15 ఏళ్లు ఆగాలా’ అనే ప్రశ్న మీ దగ్గర నుండి రావొచ్చు. అలాంటి ప్రశ్నే ఉంటే అడిగేయకండి ఎందుకంటే అన్ని నెలలు కూడా పట్టదట.
‘భారతీయుడు 2’ సినిమాకు సంబంధించి షూటింగ్ దాదాపు పూర్తయిన విషయం తెలిసిందే. విజయవాడలో ప్రస్తుతం 8000 మంది ప్రజల నడుమ కీలక సన్నివేశాలు తెరకెక్కిస్తున్నారు. అందులో కమల్ను ప్రజలు అనుమానించి, అవమానించే సన్నివేశం తెరకెక్కిస్తున్నారని టాక్. అయితే ఈ సన్నివేశం రెండో భారతీయుడు సినిమాకే కాదు, మూడో ‘భారతీయడు’కి కూడా కీలకంగా ఉంటుందట. 2024 సమ్మర్ టార్గెట్గా ‘భారతీయుడు 2’ సిద్ధమవుతున్నాడు. డిసెంబర్ నాటికి షూటింగ్ పూర్తి అయిపోతుందట.
‘భారతీయుడు 2’ షూటింగ్ స్టార్ట్ చేసిన కొన్ని రోజులకు కమల్, (Shankar) శంకర్ మధ్య చర్చలు జరుగుతుండగా… ‘భారతీయుడు 3’ ఆలోచన పుట్టిందట. దానికి అనుగుణంగా ‘భారతీయుడు 2’లో కొన్ని మార్పులు చేశారట. ఆ లెక్కనే షూటింగ్ చేశారట. ఈ క్రమంలో 40 రోజులు షూటింగ్ చేస్తే ‘భారతీయుడు 2’, ‘భారతీయుడు 3’ పూర్తయిపోతాయట. దీందతో వెంటవెంటనే సినిమాలు విడుదల చేసేలా ఆలోచనలు చేస్తున్నారట శంకర్ అండ్ కో.
దీంతో కమల్ ఫ్యాన్స్ చాలా హ్యాపీగా ఫీల్ అవుతున్నారు. ఎందుకంటే ఒకే షూటింగ్లో రెండు సినిమాలు అంటే పెద్ద విషయమే కదా. అయితే రామ్చరణ్ ఫ్యాన్స్ మాత్రం గుస్సా మీదున్నారు. శంకర్ ఇంకెన్నాళ్లు ‘భారతీయుడు’ చేస్తారు… ‘గేమ్ ఛేంజర్’ సెట్స్కి వచ్చేయొచ్చు కదా అంటున్నారు. అన్నట్లు మూడో ‘భారతీయుడు’ ఉంటాడని ఆ మధ్య నిర్మాత ఉదయనిధి స్టాలిన్ కూడా అన్నారు.
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
