ఆ విషయంలో ‘రణరంగం’ డైరెక్టర్ ను అభినందించాల్సిందే..!

‘స్వామిరారా’ చిత్రంతో ట్యాలెంటడ్ డైరెక్టర్ గా పేరు తెచ్చుకున్నాడు దర్శకుడు సుధీర్ వర్మ. ఆ చిత్రం మంచి హిట్టైంది కూడా..! అయితే ఆ తరువాత వచ్చిన ‘దోచేయ్’ చిత్రం డిజాస్టర్ అయ్యింది. ఇక తరువాత వచ్చిన ‘కేశవ’ కూడా అంతంత మాత్రంగానే ఆడింది. దీంతో ఈసారి ఎలాగైనా సరే హిట్టు కొట్టాలని హీరో శర్వానంద్ తో ‘రణరంగం’ సినిమా చేశాడు. కాజల్ – కల్యాణి ప్రియదర్శన్ హీరోయిన్లుగా నటిస్తున్న ఈ చిత్రం ఆగష్టు15న విడుదల కాబోతుంది. దీంతో ఈ చిత్రం ప్రమోషన్లను వేగవంతం చేశారు.

ఇక ఈ చిత్ర ప్రమోషన్లలో భాగంగా సుధీర్ వర్మ ఓ ఇంటర్వ్యూలో పాల్గొన్నాడు. ఆయన మాట్లాదుతూ… ” ‘రణరంగం’ సినిమా పూర్తి శ్రద్ధ పెట్టి చేశాను. ప్రతి ఒక్కరికీ ఈ చిత్రం నచ్చుతుంది. శర్వానంద్ కి హిట్ ఇస్తాననే అనుకుంటున్నాను. ‘సితార ఎంటర్టైన్మెంట్స్’ వారు ఈ చిత్రాన్ని నిర్మించారు. తమ బ్యానర్లోనే మరో సినిమా చేయమని అడుగుతున్నారు. ‘రణరంగం’ సినిమా హిట్ అయితే తప్పకుండా సీక్వెల్ చేస్తాను. ఈ నేపథ్యంలోనే శర్వానంద్ నాకు ఒక లైన్ చెప్పాడు .. ఆ లైన్ నాకు బాగా నచ్చింది. ‘రణరంగం’ విడుదల తరువాత ఈ విషయంలో ఒక క్లారిటీ వస్తుంది” అంటూ చెప్పుకొచ్చాడు సుధీర్ వర్మ. ఇక్కడ ఓ విషయంలో సుధీర్ వర్మని అభినందించాలి.. చేసిన సినిమా విడుదల కాకుండానే మరో సినిమా ఓకే చేయించేసుకుని అడ్వాన్స్ లాగేసుకోవాలని ఆయన అనకుండా హిట్టయితే కచ్చితంగా సీక్వెల్ చేస్తాను అని చెప్పడం గ్రేట్ అనే చెప్పాలి.