Pushpa 2: ఆ పాట విషయంలో సుకుమార్ నిర్ణయం మారిందా?

‘పుష్ప 2’  (Pushpa 2)  ఈ ఏడాది చివర్లో రాబోతున్న అతి పెద్ద సినిమా. ఆడియన్స్ చూపంతా నెక్స్ట్ ఈ సినిమాపైనే ఉంది. ‘పుష్ప’ (Pushpa)  సినిమా కోవిడ్ టైంలో కూడా మంచి ఫలితాన్ని అందుకుంది. తెలుగులో టికెట్ రేట్ల ఇష్యు వల్ల పెద్దగా ఆడలేదు కానీ, నార్త్ లో, ఓవర్సీస్ లో పెద్ద బ్లాక్ బస్టర్ అయ్యింది. కేరళ, తమిళనాడు, కర్ణాటక..లో కూడా ‘పుష్ప’ విజయం సాధించింది. అందువల్ల ‘పుష్ప 2’ పై భారీ అంచనాలు నెలకొన్నాయి అని చెప్పవచ్చు.

Pushpa 2

‘పుష్ప’ క్లైమాక్స్ ను బట్టి సెకండ్ పార్ట్ కథ అంతా విలన్ ఫహాద్ ఫాజిల్ (Fahadh Faasil), హీరో అల్లు అర్జున్ (Allu Arjun)  … ల మధ్య సాగుతుంది అని స్పష్టమైంది. అలాగే క్లైమాక్స్ లో ‘ఒకటి తక్కువైంది’ అంటూ ఫహాద్ ఫాజిల్ పలికే డైలాగ్ బాగా హైలెట్ అయ్యింది. ‘పుష్ప 2’ (Pushpa 2) విషయంలో కూడా ఒక్కటి తక్కువవుతుందనేది ఇన్సైడ్ టాక్. మేటర్ ఏంటంటే.. ‘పుష్ప 2’ షూటింగ్లో భాగంగా ఇంకో 2 పాటలు చిత్రీకరించాల్సి ఉందట. ఇందులో ఒకటి ఐటెం సాంగ్ కాగా ఇంకోటి హీరో, హీరోయిన్స్ మధ్య రొమాంటిక్ సాంగ్ అని తెలుస్తుంది.

ఐటెం సాంగ్ ఈ వారం చిత్రీకరిస్తారట. శ్రీలీల (Sreeleela) ఇందులో అల్లు అర్జున్ తో కలిసి చిందులు వేయనుంది అని సమాచారం. అయితే ఇంకో పాటని సుకుమార్ లైట్ తీసుకోబోతున్నట్లు ఇన్సైడ్ టాక్. ఎందుకంటే ఈ పాట వల్ల లెంగ్త్ ఇంకా పెరిగే అవకాశం ఉంటుందట. అసలే ‘పుష్ప 2’ పెద్ద కథ. కాబట్టి ప్రేక్షకులు ఈ పాట వల్ల డైవర్ట్ అయ్యే ప్రమాదం ఉందని సుకుమార్ (Sukumar) ఆలోచిస్తున్నాడట. కానీ అతని ఆలోచనలు గంటకోసారి మారిపోతూ ఉంటాయి. ఫైనల్ గా ఏం చేస్తాడో చూడాలి.

రెచ్చగొట్టే వ్యాఖ్యలు చేసి చిక్కుల్లో పడ్డ ప్రముఖ నటుడు!