‘పుష్ప 2’ (Pushpa 2) 2024 లో రిలీజ్ అవుతున్న లాస్ట్ బిగ్ మూవీ అని చెప్పాలి. సంక్రాంతి సినిమాల కంటే ఎక్కువగా ఈ సినిమాపైనే జనాల ఫోకస్ ఉందని చెప్పాలి. ఎందుకంటే 2021 లో వచ్చిన ‘పుష్ప’ (Pushpa) చిత్రం ఊహించని విధంగా పెద్ద సక్సెస్ సాధించింది. ముఖ్యంగా నార్త్ లో 10 రెట్లు లాభాలు వచ్చాయి. దీంతో ‘పుష్ప 2’ పై అక్కడ భారీ హైప్ ఉంది. వాస్తవానికి ఆగస్టు 15 నే ‘పుష్ప 2’ రిలీజ్ కావాల్సి ఉంది.
కానీ అనుకున్న టైంకి షూటింగ్ కంప్లీట్ అవ్వకపోవడం వల్ల డిసెంబర్ 6 కి వాయిదా వేశారు. ఫాస్ట్ గా షూటింగ్ కంప్లీట్ అవ్వడంతో ఒకరోజు ముందుగానే అంటే డిసెంబర్ 5 నే ఈ చిత్రాన్ని విడుదల చేస్తున్నారు. అంటే డిసెంబర్ 4 న ప్రీమియర్స్ తోనే ‘పుష్ప 2’ హడావిడి మొదలవుతుందన్న మాట. ఇదిలా ఉండగా.. ‘పుష్ప 2’ షూటింగ్ చాలా వరకు కంప్లీట్ అయిపోయింది అంటున్నారు. ఈ క్రమంలో కొంత రషెస్..ను దర్శకుడు రాజమౌళికి (S. S. Rajamouli) స్పెషల్ గా చూపించారట.
అవి రాజమౌళికి బాగా నచ్చినట్టు తెలుస్తుంది. ఆయన చాలా మంచి ఫీడ్ బ్యాక్ ఇచ్చారట. గతంలో ‘పుష్ప’ షూటింగ్ సెట్స్ కి సరదాగా వెళ్ళిన రాజమౌళికి.. ఆ సినిమాలో కొన్ని ఎపిసోడ్స్ ను చూపించారట సుకుమార్ (Sukumar). అప్పుడు కూడా రాజమౌళి మంచి ఫీడ్ బ్యాక్ ఇచ్చారట. ‘ఆ సినిమా నార్త్ లో వర్కౌట్ అవుతుంది’ అని రాజమౌళి ముందే హింట్ ఇచ్చారట. అది నిజమైంది. ఆ సెంటిమెంట్ తోనే ‘పుష్ప 2’ రషెస్ కూడా జక్కన్న చూపించినట్టున్నాడు సుక్కూ.
