Venky Atluri: వెంకీ అట్లూరి అందుకే యాక్టింగ్ చేయట్లేదట!

యంగ్ టాలెంటెడ్ డైరెక్టర్ వెంకీ అట్లూరి  (Venky Atluri) ‘తొలి ప్రేమ’తో (Tholi Prema)  దర్శకుడిగా మారిన విషయం తెలిసిందే, ఈ చిత్రం విజయవంతమవడంతో తనకంటూ ప్రత్యేక గుర్తింపు సంపాదించాడు. ఆ తర్వాత ‘మిస్టర్ మజ్ను’ (Mr. Majnu)  , ‘రంగ్ దే’ (Rang De) లాంటి సినిమాలు పెద్దగా సక్సెస్ కాకపోయినా, ‘సార్’  (Sir)  మూవీతో ట్రాక్ లోకి వచ్చాడు, రీసెంట్ గా ‘లక్కీ భాస్కర్’తో (Lucky Baskhar)  మరో బ్లాక్‌బస్టర్ ను తన ఖాతాలో వేసుకున్నాడు. మొత్తంగా వెంకీ కెరీర్‌లో చేసిన ఐదు సినిమాల్లో మూడు విజయవంతం కావడంతో, ఆయన సక్సెస్ ఫుల్ డైరెక్టర్ గా దూసుకుపోతున్నారు.

Venky Atluri

ఇదిలా ఉంటే, వెంకీ అట్లూరి తొలుత నటుడిగా ఇండస్ట్రీలో అడుగు పెట్టాడు. ‘జ్ఞాపకం’ మరియు ‘స్నేహగీతం’ (Sneha Geetham) చిత్రాల్లో వెంకీ మంచి రోల్స్ లో కనిపించాడు. ఈ రెండు సినిమాలలో వెంకీ యాక్టింగ్ చేయడం ద్వారా తన న‌టనా ప్రతిభను చూపించాడు. అయితే నా లక్ష్యం నటుడిగా ఉండిపోవడం కాదని, దర్శకుడిగా స్థాయిని నిర్మించుకోవడం అని ఓ ఇంటర్వ్యూలో తెలిపారు. డైరెక్షన్ పైనే తన ఆసక్తి ఎక్కువ అని చెప్పాడు. ఎందుకు నటనకు దూరంగా ఉన్నారనే ప్రశ్నకు సమాధానం ఇస్తూ..

“నాకు నటన కంటే రచన, దర్శకత్వం అంటేనే ఎక్కువ ఇష్టం. ఆ పని నాకు నిజంగా సంతృప్తినిస్తుంది. నటుడిగా మేకప్ వేసుకున్నప్పుడు సంతృప్తి ఉండేది కాదు. ముఖానికి ప్లాస్టిక్ బ్యాగ్ కప్పుకున్నట్లు ఉండేది,” అని అన్నారు. అందుకే యాక్టింగ్ ను పూర్తిగా వదిలేసి, డైరెక్షన్ వైపే దృష్టి పెట్టానని చెప్పారు. ‘లక్కీ భాస్కర్’ సినిమాతో అతనికి మంచి హిట్ రావడంతో, ఈ చిత్రానికి సీక్వెల్ చేసే ఆలోచన ఉందా అని ప్రశ్నించగా, ప్రస్తుతానికి సీక్వెల్ పై ఆలోచన లేదని తెలిపారు.

“లక్కీ భాస్కర్‌లో బ్యాంకింగ్ వ్యవస్థ గురించి ప్రస్తావించాను. ఇప్పుడది డిజిటలైజ్ అయ్యింది. సీక్వెల్ చేయాలంటే, కొత్త వ్యవస్థపై మరింత అవగాహన అవసరం. భవిష్యత్తులో చూడొచ్చు,” అని వివరించారు. ఇక తదుపరి సినిమా ఏమిటి అనే విషయంలో వెంకీ క్లారిటీ ఇవ్వలేదు. మరి అతని నెక్స్ట్ మూవీ ఎవరితో ఉంటుందో చూడాలి.

 అఖిల్ నెక్స్ట్ సినిమాపై కిరణ్ అబ్బవరం ఇంట్రెస్టింగ్ కామెంట్స్..!