Vv Vinayak: ‘భీమ్లా’ లో వినాయక్ ఎపిసోడ్ అలా సైడ్ చేశారట..!

March 1, 2022 / 03:17 PM ISTByFilmy Focus

Join Us

Vv Vinayak: ‘భీమ్లా’ లో వినాయక్ ఎపిసోడ్ అలా సైడ్ చేశారట..!

పవన్ కళ్యాణ్- రానా కలయికలో వచ్చిన ‘భీమ్లా నాయక్’ మొదటి వీకెండ్ బ్రహ్మాండంగా కలెక్ట్ చేసింది. ఫిబ్రవరి వంటి అన్ సీజన్లో అదే ఏపిలో టికెట్ రేట్ల ఇష్యు, బెనిఫిట్ షోలు లేకపోవడం,5 వ షోకి అనుమంతి లేకపోవడం.. వంటి ప్రతికూల పరిస్థితులు ఉన్నప్పటికీ ఆ స్థాయిలో వసూళ్ళను రాబట్టడం మామూలు విషయం కాదు. రేపు శివరాత్రి సెలవు ఉండడం, ఇంకో వీకెండ్ అడ్వాంటేజ్ ఉండడం కూడా భీమ్లా నాయక్ కు కలిసొచ్చే అంశం.

ఇదిలా ఉండగా ఈ చిత్రం పవన్ ఫ్యాన్స్ ను, తెలుగు ప్రేక్షకుల్ని బాగానే ఆకట్టుకుంటుంది. కాకపోతే ఒరిజినల్ ను చూసేసిన ‘అయ్యప్పనుమ్ కోషియమ్’ అభిమానులకి మాత్రం ‘భీమ్లా’ కొంత నిరాశపరిచినట్టు స్పష్టమవుతుంది. ఈ చిత్రానికి స్క్రీన్ ప్లే, సంభాషణలు అందించిన త్రివిక్రమ్.. తన పైత్యానికి తగినట్టు కొన్ని మార్పులు చేయడం, కొన్ని రొటీన్ అంశాలను జోడించడం వంటివి కొంతమైనస్ అయ్యాయనే చెప్పాలి. ఇవన్నీ పక్కన పెడితే.. ఓ విషయంలో మాత్రం భీమ్లా పెద్ద తప్పే చేసిందని చెప్పాలి.

అదేంటి అంటే ‘భీమ్లా నాయక్’ లో టాలీవుడ్ స్టార్ డైరెక్టర్ వి.వి.వినాయక్ కూడా నటించారు.ఈ సినిమాలో ఆయనకి సంబంధించి చిన్న కేమియో ఉంది. కానీ ఎడిటింగ్లో దానిని తొలగించారు. నిజానికి ఈ మూవీలో వినాయక్ నటించినట్టు ‘భీమ్లా’ టీం ఎక్కడా చెప్పలేదు. నేరుగా వినాయకే ఈ విషయాన్ని కన్ఫర్మ్ చేశారు. ఈ సినిమాలో తాను దర్శకుడిగానే కనిపించబోతున్నట్టు వెల్లడించారు. కానీ కట్ చేస్తే ఆయన ట్రాక్ ను ఎడిటింగ్ లో లేపేశారు. రానా పోలీస్ స్టేషన్ లో ఉన్నప్పుడు వినాయక్ ఫోన్ చేస్తున్నట్టు చూపించి మమ అనేసారు.