పవర్ స్టార్ పవన్ కళ్యాణ్… ఈ పేరు గురించి ఎన్ని ఇంట్రడక్షన్లు ఇచ్చినా అభిమానులకు ఇంకా ఇంకా కావాలి అనిపిస్తుంది. 100 మందిలో ఉన్నా ఈ పేరును ఒక్కసారి పలికితే చాలు ఆ వంద మందికి ఎక్కడ లేని ఎనర్జీ వచ్చేస్తుంది. ఇలాంటి సందర్భాలను మనం తరచూ చూస్తూనే ఉన్నాం. పవన్ కళ్యాణ్ చిరంజీవి చిన్న తమ్ముడు. తన తల్లిదండ్రులకు ఇతను 8 వ సంతానం అని అతనే ఓ సందర్భంలో చెప్పుకొచ్చాడు.
ఆలస్యంగా ఇండస్ట్రీకి ఎంట్రీ ఇచ్చినా అతి తక్కువ టైంలో స్టార్ డంని, కోట్లాది మంది అభిమానులను సంపాదించుకున్నాడితను. ప్రస్తుతం ఓ పక్క సినిమాల్లో నటిస్తూనే మరోపక్క రాజకీయాల్లో కూడా కొనసాగుతూ అటు కథానాయకుడు గాను.. ఇటు ప్రజా నాయకుడు గాను జనాలను ఆకర్షిస్తున్నాడు. పవన్ కళ్యాణ్ కు సంబంధించి ఏ వార్త అయినా అది అభిమానులకు చాలా స్పెషల్ అని చెప్పాలి. ఈ క్రమంలో గత రెండు, మూడు రోజులుగా పవన్ కళ్యాణ్ కు సంబంధించిన ఓ అన్ సీన్ పిక్ సోషల్ మీడియాలో వైరల్ అవుతుంది.
ఈ ఫొటోలో అతని పక్కన ఓ కుర్రాడు నిలబడి ఉన్నారు. ఈ ఫొటోలో పవన్ కళ్యాణ్ పక్కన ఉన్న కుర్రాడు ఎవరా అని కాసేపు నెటిజన్లు ఆలోచనలో పడ్డారు. ఆ తర్వాత ఇతను టాలీవుడ్ డైరెక్టర్ మెహర్ రమేష్ అని గుర్తించారు. ఇప్పుడు చూడడానికి పవన్ కళ్యాణ్ చిన్నవాడిలా, మెహర్ రమేష్ పెద్ద వాడిలా కనిపిస్తారు. కానీ వాస్తవానికి మెహర్ కంటే పవన్ పెద్దవాడే. మెహర్ కు పవన్ కళ్యాణ్ అన్నయ్య అవుతాడు.
గతంలో మెహర్ రమేష్ తో పవన్ కళ్యాణ్ సినిమా చేయడానికి రెడీ అయ్యాడు. ఇప్పటికీ రెడీగానే ఉన్నాడు కథ సెట్ అయితే ఈ కాంబోలో మూవీ కూడా రూపొందే అవకాశాలు ఉన్నాయి. ప్రస్తుతానికైతే మెహర్ రమేష్ చిరంజీవితో ‘భోళా శంకర్’ చిత్రాన్ని తెరకెక్కిస్తున్నాడు. ఇది వేదాలం చిత్రానికి రీమేక్ అన్న సంగతి తెలిసిందే.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
Home