తన కొడుకుకి జూనియర్ పవర్ స్టార్ అనే పిలుపు వద్దన్నా రేణుదేశాయ్

పవర్ స్టార్ పవన్ కళ్యాణ్, రేణుదేశాయ్ ల తనయుడు అకీరా ఈరోజు పుట్టినరోజు జరుపుకున్నారు. ఈ సందర్భం గా అతనికి పవన్ అభిమానులు జూనియర్ పవర్ స్టార్ కి పుట్టినరోజు శుభాకాంక్షలు అంటూ విషెష్ తెలియ జేశారు. విషెష్ చెప్పినందుకు ఆనందించిన రేణుదేశాయ్.. అకీరాని జూనియర్ పవర్ స్టార్ గా పిలవవద్దని సున్నితంగా చెప్పారు. ఈ రోజు కొడుకుతో పాటు ఉన్న ఫోటోని ఆమె షేర్ చేస్తూ మనసులోని మాటను బయట పెట్టారు. జూనియర్‌ పవర్‌స్టార్‌గా కాకుండా అకీరా నందగా తనకంటూ ఓ సొంత గుర్తింపు తెచ్చుకుంటాడన్న నమ్మకం ఉందని రేణు దేశాయ్‌ పోస్ట్ చేశారు.

‘13.. నా చిట్టిబాబు ఆరడుగుల ఎత్తుతో టీనేజ్‌లోకి అడుగుపెట్టడాన్ని ఇప్పటికీ నమ్మలేకపోతున్నా. తల్లిదండ్రుల నీడలో కాకుండా తన కాళ్లపై తాను నిలబడాలని ప్రార్థిస్తున్నా. నా కుమారుడికి సొంత గుర్తింపు ఉంటుందని, జూనియర్‌ పవర్‌స్టార్‌గా కాకుండా అకీరానందగా పేరు తెచ్చుకుంటాడన్న నమ్మకం ఉంది’ అని రేణు పోస్ట్‌ చేశారు. కూతురు ఆద్య పుట్టినరోజుకి పవన్ కళ్యాణ్ పూణేకి వెళ్లారు. మరి కొడుకు పుట్టినరోజుకు పూణేకి వెళుతాడా? లేదా? అనేది తెలియాల్సి ఉంది.

Also, do SUBSCRIBE to our YouTube channel to get latest Tollywood updates.