Double Ismart, Mr Bachchan: డబుల్ ఇస్మార్ట్, మిస్టర్ బచ్చన్ ఓటీటీల వివరాలివే.. స్ట్రీమింగ్ అప్పుడేనా?

ఇండిపెండెన్స్ డే కానుకగా విడుదలైన మిస్టర్ బచ్చన్ (Mr Bachchan) , డబుల్ ఇస్మార్ట్ (Double Ismart)  సినిమాలకు ప్రేక్షకుల నుంచి పాజిటివ్ టాక్ వస్తున్న సంగతి తెలిసిందే. రెండు సినిమాలు గురువారం రోజునే థియేటర్లలో విడుదల కావడంతో ఈ సినిమాలు లాంగ్ వీకెండ్ ను క్యాష్ చేసుకునే అవకాశాలు అయితే ఉన్నాయని చెప్పవచ్చు. ఈ రెండు సినిమాల డిజిటల్ హక్కులను సొంతం చేసుకున్న ఓటీటీ సంస్థల వివరాలు సైతం వెల్లడయ్యాయి. డబుల్ ఇస్మార్ట్ డిజిటల్ హక్కులను అమెజాన్ ప్రైమ్ సొంతం చేసుకోగా మిస్టర్ బచ్చన్ ఓటీటీ రైట్స్ ను నెట్ ఫ్లిక్స్ సొంతం చేసుకున్నట్టు తెలుస్తోంది.

Double Ismart, Mr Bachchan

సాధారణంగా ఈ రెండు ఓటీటీలు సినిమా విడుదలైనా నాలుగు వారాల తర్వాత ఓటీటీలో స్ట్రీమింగ్ చేస్తాయి. ఈ రెండు సినిమాలు నాలుగు వారాల తర్వాతే ఓటీటీ స్ట్రీమింగ్ అవుతాయో అంతకంటే ఆలస్యంగా స్ట్రీమింగ్ అవుతాయో తెలియాల్సి ఉంది. ఈ రెండు సినిమాలలో మాస్ ప్రేక్షకులకు నచ్చే కమర్షియల్ అంశాలు ఎక్కువగా ఉన్న నేపథ్యంలో ఈ సినిమాలు మాస్ ప్రేక్షకులకు ఎంతగానో నచ్చే అవకాశాలు అయితే ఉన్నాయి.

ఈ రెండు సినిమాల బడ్జెట్ 200 కోట్ల రూపాయలు కాగా ఈ సినిమాల కలెక్షన్లు సైతం అదే రేంజ్ లో ఉంటాయో లేదో చూడాల్సి ఉంది. రికార్డ్ స్థాయి స్క్రీన్లలో విడుదల కావడం ఈ రెండు సినిమాలకు ప్లస్ అవుతోంది. రవితేజ  (Ravi Teja) , రామ్ (Ram) రాబోయే రోజుల్లో మరిన్ని క్రేజీ ప్రాజెక్ట్ లతో ప్రేక్షకుల ముందుకు రావాలని సోషల్ మీడియా వేదికగా కామెంట్లు వ్యక్తమవుతున్నాయి.

హరీష్ శంకర్ (Harish Shankar)  , పూరీ జగన్నాథ్ (Puri Jagannadh) ఒకేరోజు రెండు వేర్వేరు సినిమాలతో అదృష్టాన్ని పరీక్షించుకున్నారు. ఈ ఇద్దరు దర్శకులకు సోషల్ మీడియా వేదికగా ఊహించని స్థాయిలో క్రేజ్ పెరుగుతుండటం హాట్ టాపిక్ అవుతోంది. రామ్, రవితేజ పారితోషికాలు సైతం దాదాపుగా సమానంగా ఉండటం గమనార్హం.