చాలా ఏళ్ళ తర్వాత ‘పఠాన్’ ‘జవాన్’ వంటి రెండు బ్యాక్ టు బ్యాక్ బ్లాక్ బస్టర్స్ అందుకున్నాడు బాలీవుడ్ బాద్ షా షారుఖ్ ఖాన్. ఇక ఈ 2023 ని హ్యాట్రిక్ తో కంప్లీట్ చేయాలని షారుఖ్ డిసైడ్ అయినట్లు ఉన్నాడు. అందుకే ఈ డిసెంబర్ 21 న ‘డంకీ’ తో ప్రేక్షకుల ముందుకు రాబోతున్నాడు. అపజయమంటూ తెలీని బాలీవుడ్ దర్శకుడు రాజ్ కుమార్ హిరాని తెరకెక్కించిన సినిమా ఇది.
షారూక్ ఖాన్‌తో పాటు తాప్సీ పన్ను, బోమన్ ఇరాని, విక్కీ కౌశల్, విక్రమ్ కొచ్చర్, అనీల్ గ్రోవర్ వంటి స్టార్స్ కూడా ముఖ్య పాత్రలు పోషించారు. రాజ్ కుమార్ హిరాని సినిమా అంటే టికెట్ రేటుకి న్యాయం చేస్తుందనే నమ్మకం ప్రేక్షకుల్లో ఉంది.‘డంకీ’ ప్రచార చిత్రాలు అన్నీ ప్రామిసింగ్ అనిపించాయి. తాజాగా ‘డంకీ’ డ్రాప్ 4 అంటూ ట్రైలర్‌ను కూడా విడుదల చేశారు మేకర్స్. ఈ ట్రైలర్ విషయానికి వస్తే.. ఇది 3 నిమిషాల 1 సెకను నిడివి కలిగి ఉంది.
షారుఖ్ ఖాన్ వాయిస్ ఓవర్లో ఈ (Dunki) ట్రైలర్ స్టార్ట్ అయ్యింది. ట్రైన్‌లో నుండి హార్డి(షారుఖ్) తాను పుట్టి పెరిగిన ఊరికి రావడం… ఆ తర్వాత మను, సుఖి, బుగ్గు, బల్లి వంటి తన స్నేహితుల జీవన శైలిని చూపించారు. పంజాబ్‌లోని ఓ పల్లెటూరులో ఈ సినిమా కథ జరుగుతుంది అని ట్రైలర్ తో చెప్పకనే చెప్పారు. ఇక షారుఖ్ అలాగే తన స్నేహితులు.. జీవితంలో ఉన్నతంగా ఉండాలని, తమకు ఇష్టమైన వారు బావుండాలనే ఆశతో వారు లండన్ వెళ్లాలని అనుకుంటారు.
ఈ క్రమంలో ఆ ఐదుగురు ఎదుర్కొన్న సవాళ్లు ఏంటి? వాటిని వారు ఎలా అధిగమించారు అనేది మెయిన్ థీమ్ గా తెలుస్తుంది. ట్రైలర్లో ఎలాంటి అశ్లీలతకు చోటు ఇవ్వలేదు. చాలా క్లీన్ గా ఉంది.రాజ్ కుమార్ హిరాని మార్క్ కామెడీ, ఎమోషన్స్, లవ్ .. ఇలా అన్ని అంశాలతో నిండి ఉంది ఈ ట్రైలర్. మీరు కూడా ఓ లుక్కేయండి :
యానిమల్ సినిమా రివ్యూ & రేటింగ్!
దూత వెబ్ సిరీస్ రివ్యూ & రేటింగ్!
‘వీరమల్లు’ టు ‘ ఆర్.టి.జి.ఎం 4’ హోల్డ్ లో పడిన 10 ప్రాజెక్టులు ఇవే..!
