నాని అర్జెంట్‌గా హిట్ కావాలి. ఎంత అర్జెంట్‌ అంటే ‘హిట్’ సక్సెస్‌ను కొనసాగించేంత హిట్ కావాలి. ఎందుకంటే సాధారణ సినిమాగా మొదలై అదిరిపోయే విజయం అందుకుంది ‘హిట్’. ఇప్పుడు ‘హిట్ 2’ దానికి మించిన విజయం అందుకుంటుంది అంటున్నారు. సినిమా ప్రారంభ వసూళ్లు బాగున్నాయని, వీకెండ్‌లో ఇంకా బాగుంటాయని చెబుతున్నారు. అయితే ఇక్కడే ఓ సమస్య వచ్చింది. సినిమాకు సీక్వెల్‌ అంటే ‘హిట్ 3’ ఉంటుందని ‘హిట్ 2’ ఎండింగ్‌లో చెప్పేశారు. అంతేకాదు అందులో హీరో కూడా నాని అని చెప్పేశారు.
దీంతో ఇప్పుడు నానికి అర్జెంట్‌గా అదిరిపోయే కాన్ఫిడెన్స్‌ ఇచ్చే హిట్ కావాలి అంటున్నారు. ఎందుకంటే నానికి గత ఐదేళ్లుగా కొన్ని విజయాలు వచ్చినా.. అవి ఏమంత భారీ విజయాలు కావు. ‘నిన్ను కోరి’ అంటూ భారీ విజయం అందుకున్న నాని.. ఆ తర్వాత సరైన వసూళ్లు ఇచ్చే విజయం అందుకోలేకపోయారు. అయితే ఈ ఫలితాల విషయంలో నాని లెక్క వేరేగా ఉంటుంది అనుకోండి. అయితే ఇప్పుడు ‘హిట్ 3’ పాన్‌ ఇండియా సినిమా అంటున్నారు. దానికి తగ్గ బేస్‌ ఇప్పుడు నానికి అవసరం. అదే ‘దసరా’.
పాన్‌ ఇండియా సినిమా ‘దసరా’ను తెరకెక్కిస్తున్నారనే విషయం తెలిసిందే. శ్రీకాంత్‌ ఓదెల దర్శకత్వంలో రూపొందుతున్న ఈ సినిమాపై ఇప్పుడు అభిమానుల దృష్టి పడింది. ఆ సినిమా విజయం ఒకప్పుడు నానికి అవసరం అనుకుంటే, ఇప్పుడు అత్యవసరం. ఎలా అంటే నాని అంటే కూల్‌ అండ్‌ కామ్‌ హీరో పాత్రలు గుర్తొస్తాయి. మధ్యలో కాస్త యాంగ్రీ యంగ్‌మేన్‌ చేసినా వర్కువుట్‌ కాలేదు. ‘దసరా’లో అలాంటి లుక్‌ అండ్‌ యాటిట్యూడ్‌ ఉందని పోస్టర్‌, వీడయోలు చూస్తే తెలుస్తోంది.
ఆ సినిమాలో నాని ఆ లుక్‌లో అదరగొడితే.. ‘హిట్ 3’కి వచ్చేసరికి అభిమానులకు, నానికి కాస్త ఈజీ అవుతుంది అని అంటున్నారు. కాబట్టి నాని.. ఇక నీ స్టైల్‌లో పని కానీ.. అప్పుడు ప్రేక్షకులు తమ పని కానిస్తారు.
హిట్2 సినిమా రివ్యూ& రేటింగ్!
మట్టి కుస్తీ సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
డీజే టిల్లు టు మసూద ఈ ఏడాది ఎటువంటి అంచనాలు లేకుండా వచ్చి హిట్టు కొట్టిన సినిమాలు..!
