దర్శకుడు తరుణ్ భాస్కర్ .. ఇప్పటివరకు 2 సినిమాలు తెరకెక్కించాడు. ఒకటి ‘పెళ్ళిచూపులు’ రెండోది ‘ఈ నగరానికి ఏమైంది?’. ఈ రెండు సినిమాలు కూడా ఎటువంటి అంచనాలు లేకుండా రిలీజ్ అయ్యాయి. అయితే ‘పెళ్ళిచూపులు’ సినిమా పెద్ద బ్లాక్ బస్టర్ కాగా, ‘ఈ నగరానికి ఏమైంది?’ సినిమా సోసోగానే ఆడింది. అయితే రీ రిలీజ్ లో మాత్రం ‘ఈ నగరానికి ఏమైంది?’ చిత్రం బ్లాక్ బస్టర్ గా నిలిచింది. యూట్యూబ్లో కూడా ఈ చిత్రాన్ని వీక్షిస్తున్న వారి సంఖ్య ఎక్కువే.
సోషల్ మీడియాలో అయితే ఈ చిత్రంపై వచ్చినన్ని మీమ్స్.. మరో సినిమాకి వచ్చి ఉండవు అనడంలో అతిశయోక్తి అనిపించుకోదు. ఇదిలా ఉండగా.. తరుణ్ భాస్కర్ మూడో సినిమాగా ‘కీడా కోలా’ రూపొందిన సంగతి తెలిసిందే. మరో రెండు రోజుల్లో ఈ సినిమా ప్రేక్షకుల ముందుకు రానుంది. అంటే నవంబర్ 3 న..! ఈ చిత్రం ప్రమోషన్స్ లో తరుణ్ భాస్కర్ పాల్గొని కొన్ని ఆసక్తికర విషయాలు చెప్పుకొచ్చాడు.
ఈ క్రమంలో (Ee Nagaraniki Emaindi) ‘ఈ నగరానికి ఏమైంది?’ సినిమాకి మొదట ‘కన్యారాశి’ అనే టైటిల్ ను అనుకున్నాడట. చాలా మంది ఆ టైటిల్ గురించి ప్రశ్నించగా.. పెద్దగా పట్టించుకోలేదట. కానీ మొదటి సినిమా ‘పెళ్ళిచూపులు’ .. రెండో సినిమా ‘కన్యారాశి’ .. మూడో సినిమా ‘మృగశిర’ నా?’ అని ప్రశ్నించగా చాలా ఇబ్బంది పడిపోయి ఆ టైటిల్ ను మార్చేశానని’ తరుణ్ భాస్కర్ చెప్పుకొచ్చాడు.
‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!
‘సైందవ్’ తో పాటు టాలీవుడ్లో వచ్చిన ఫాదర్-డాటర్ సెంటిమెంట్ మూవీస్ లిస్ట్..!
ఆ హీరోయిన్స్ చేతిలో ఒక సినిమా కూడా లేదంట..!
