‘అరవింద సమేత’ (Aravindha Sametha) సినిమా చూసినవారికి కచ్చితంగా వచ్చే డౌట్స్లో ‘ఈషా రెబ్బా (Eesha Rebba) ఎందుకుంది అబ్బా’ ఒకటి. ఆ సినిమాలో ఆమె పాత్ర నిడివి, తత్వం చూశాక ఎవరైనా ఈ డౌట్ వెలిబుచ్చుతారు. అప్పటికే ప్రామిసింగ్ హీరోయిన్గా కాస్త పేరు తెచ్చుకున్న ఆమె.. ఆ సినిమా ఎలా ఓకే చేసింది అనే ప్రశ్న కచ్చితంగా వస్తుంది. మరి ఈ విషయం ఆమెకు తెలియలేదా? ఆ సినిమా వచ్చిన ఇన్నేళ్లకు ఆ ప్రశ్నకు ఆమె నుండి సమాధానం వచ్చింది.
‘అరవింద సమేత’ సినిమా విషయంలో తనకు బాధ ఉండేదని ఈషా రెబ్బా ఎట్టకేలకు స్పందించారు. ఇటీవల ఆమె ఓ ఇంటర్వ్యూలో పాల్గొని మాట్లాడింది. ఎన్టీఆర్ (Jr. NTR) – త్రివిక్రమ్ (Trivikram) కాంబినేషన్లో తెరకెక్కిన ‘అరవింద సమేత’ సినిమాలో యాక్ట్ చేసేందుకు తొలుత ఆమె ఆసక్తి చూపలేదట. కానీ వివిధ కారణాల వల్ల ఆ సినిమా ఓకే చేసిందట. దాని వెనుక రీజన్ ఇప్పుడు చెప్పింది. తాను నటించిన తొలి పెద్ద సినిమా ‘అరవింద సమేత’ అని చెప్పిన ఆమె.. టీమ్ తనను సంప్రదిస్తే నటించేందుకు ఆసక్తి చూపలేదని తెలిపింది.
తనకు లీడ్ క్యారెక్టర్లు చేయాలని ఉందని ఆమె టీమ్కు చెప్పడంతో.. ‘ఈ సినిమాలో మీదీ ప్రధాన పాత్రే’ అని దర్శక, నిర్మాతలు చెప్పారట. దీంతో కొన్ని రోజుల తర్వాత సినిమాకు ఓకే చెప్పిందట. ఆ సమయంలో ఈషాపై ఓ పాట కూడా చిత్రీకరించాలని ప్లాన్ చేశారట. కానీ సినిమా షూటింగ్ ముందుకెళ్లేకొద్దీ అది జరగలేదట. తీసిన ఇంకొన్ని సీన్స్ ఎడిటింగ్లో కట్ చేసేశారట.
సెకండ్ లీడ్ అని ప్రకటిస్తానని తొలుత చెప్పిన మాట కూడా నిలబెట్టుకోలేదట. అయితే వీటికి కారణమేంటో తనకు తెలియదని, ఈ విషయంలో ఆ రోజుల్లో బాధ ఉండేదని ఈషా చెప్పింది. అయితే ఎన్టీఆర్తో కలిసి నటించడం, త్రివిక్రమ్ దర్శకత్వంలో పని చేయడం ఆనందాన్ని ఇచ్చింది అని చెప్పింది. అన్నట్లు ఈ సినిమా కోసం ఆమె బైక్ రైడింగ్ కూడా నేర్చుకుందట. ఏ సీన్ కోసమో మరి.
