భారీ ప్రాజెక్ట్ లో ఈషారెబ్బ!

‘అంతకముందు ఆ తరువాత’ అనే సినిమాతో టాలీవుడ్ లో హీరోయిన్ గా ఎంట్రీ ఇచ్చింది నటి ఈషారెబ్బా. తెలుగమ్మాయి అయిన ఈషాకు టాలీవుడ్ లో అవకాశాలు బాగానే వచ్చాయి. హీరోయిన్ గా కొన్ని సినిమాలు చేస్తూనే.. ‘అరవింద సమేత’ సినిమాలో హీరోయిన్ సిస్టర్ రోల్ లో మెరిసింది. కానీ అమ్మడుకి సరైన బ్రేక్ మాత్రం రాలేదు. ఇప్పుడు అలాంటి బ్రేక్ ఇచ్చే ఛాన్స్ ఒకటి ఆమెకి దక్కిందని వార్తలు వస్తున్నాయి. గుణశేఖర్ ఎంతో ప్రతిష్టాత్మకంగా రూపొందిస్తోన్న చిత్రం ‘శాకుంతలం’.

ఈ సినిమాలో సమంత లీడ్ రోల్ పోషిస్తోంది. ఇందులో సమంత వెంటే ఉండే స్నేహితురాలి పాత్రలో ఈషాకి ఛాన్స్ ఇచ్చారట. ఈ రోల్ సినిమాకి కీలకంగా ఉంటుందని చెబుతున్నారు. నిజానికి ఈ పాత్ర కోసం చాలా మంది హీరోయిన్లను సంప్రదించిన గుణశేఖర్.. ఫైనల్ గా ఈషారెబ్బను ఫిక్స్ చేశారట. పౌరాణిక ప్రణయ గాథగా ఈ సినిమాను రూపొందిస్తున్నారు. ఈ సినిమాకి సంబంధించిన ప్రతీ విషయంలో గుణశేఖర్ ఎన్నో జాగ్రత్తలు తీసుకుంటున్నారు.

సమంత పోషిస్తోన్న శకుంతల పాత్ర కోసం ప్రత్యేకంగా నార చీరలను సిద్ధం చేయిస్తున్నారట. మహాభారత కాలంలో ఆడవారు నార చీరలు కట్టుకునేవారు. తెరపై శకుంతల పాత్ర సహజంగా కనిపించడం కోసం గుణశేఖర్ నార చీరలను తయారుచేయిస్తున్నారట. ఈ సినిమాకి మణిశర్మ సంగీతం అందించనున్నారు. కొన్ని రోజుల్లో ఈ సినిమా రెగ్యులర్ షూటింగ్ మొదలుకానుంది.

Most Recommended Video

30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!