అప్పుడు హోస్ట్ చేసిన వాళ్ళే… ఇప్పుడు పోటీ పడుతున్నారు..!

బుల్లితెర పై సంచలనాలు సృష్టించిన షోలుగా ‘మీలో ఎవరు కోటీశ్వరుడు’ ‘బిగ్ బాస్’ షోలు నిలిచాయి. గతంలో నాగార్జున హోస్ట్ గా వ్యవహరించిన ‘మీలో ఎవరు కోటీశ్వరుడు’ షో మంచి ప్రేక్షకాదరణ పొందింది. అటు తర్వాత సెకండ్ సీజన్ ను కూడా నాగార్జున హోస్ట్ చేయడం జరిగింది. ఆ రెండు సీజన్స్ ను సూపర్ హిట్ గా నిలిపిన ఘనత నాగార్జునకి దక్కింది. అయితే మూడవ సీజన్ ను మెగాస్టార్ చిరంజీవి హోస్ట్ చేయడం జరిగింది. కానీ అది అంతగా సక్సెస్ కాలేదు.

అయితే ఇప్పుడు ఇదే షో.. ఎన్టీఆర్ హోస్ట్ గా ‘ఎవరు మీలో కోటీశ్వరులు’ పేరుతో జెమినీ టీవీలో ప్రసారం కానుంది. మరోపక్క ఈ షో ప్రారంభమైన కొద్దిరోజులకే ‘బిగ్ బాస్5’ కూడా ప్రారంభం కాబోతుంది. ఇప్పటికే కంటెస్టెంట్ లు ఫైనల్ అయ్యారు. సెప్టెంబర్ 5న ‘బిగ్ బాస్’ ప్రారంభం కానుందని వినికిడి. ఇక ‘ఎవరు మీలో కోటీశ్వరులు’ షో ఆగష్ట్ మిడిల్ నుండీ ప్రారంభం అయ్యే అవకాశాలు కనిపిస్తున్నాయి. ఇంచుమించు ఈ రెండు షోలు ఒకే టైములో ప్రసారమయ్యే అవకాశాలు కూడా కనిపిస్తున్నట్టు సమాచారం.అది నిజమే అయితే వీటి మధ్య క్లాష్ తప్పేలా లేదని స్పష్టమవుతుంది.

టి.ఆర్.పి ల విషయంలో కూడా నిర్వాహకులకు పెద్ద దెబ్బ పడే అవకాశం ఉంది. నిజానికి ఎన్టీఆర్ ఇమేజ్ కు నాగార్జున ఇమేజ్ కు సంబంధం లేకపోవచ్చు.. కానీ బుల్లితెర పై షోలని హోస్ట్ చేయడంలో నాగ్.. ఎన్టీఆర్ కు తీసిపోడు.విచిత్రం ఏంటంటే.. ‘మీలో ఎవరు కోటీశ్వరుడు’ షో నాగార్జున హోస్ట్ గా ప్రారంభమయ్యింది.. ‘బిగ్ బాస్’ ఎన్టీఆర్ హోస్ట్ గా ప్రారంభమయ్యింది. ఇప్పుడు వీరు రివర్స్ లో ఈ షోలకు హోస్ట్ గా వ్యవహరించబోతుండడం అలాగే ఒక షోకి మరో షో పోటీగా ఉండడం గమనార్హం.

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!