Dil Raju: దిల్‌ రాజు ప్లానింగ్‌ అక్కడ వర్కవుట్‌ కావడం లేదు.. అందుకేనా?

దిల్ రాజు ప్రొడక్షన్‌ హౌస్‌లో ప్రతిష్ఠాత్మక 50వ సినిమా అంటూ ఎంతో గొప్పగా ‘గేమ్‌ ఛేంజర్‌’ ప్రారంభించారు. సినిమా జరుగుతున్న స్పీడ్‌ చూసి.. శంకర్‌ స్టైల్ మారిందా.. ఇంత స్పీడ్‌గా సినిమా అవుతోందేంటి అని అనుకున్నారు ఫ్యాన్స్‌. అనుకున్నట్లే సినిమా రిలీజ్‌ డేట్‌ కూడా చెప్పేశారు. కానీ ఇప్పుడు చూస్తే సినిమా ఎప్పుడు పూర్తవుతుందో, అసలు ఎప్పుడు షూటింగ్‌ ఉంటుందో కూడా చెప్పలేకపోతున్నారు. అంతేకాదు విడుదల విషయం నిర్మాతకు కూడా తెలియదు అని టాక్‌ నడుస్తోంది.

ఇటీవల జరిగిన వరుణ్‌ తేజ్‌ ‘గాండీవధారి అర్జున’ ప్రీ రిలీజ్‌ ఈవెంట్‌కు దిల్‌ రాజు హాజరయ్యారు. వేదికపై ఆయన మాట్లాడుతుండగా ప్రేక్షకులంతా ‘గేమ్‌ ఛేంజర్‌’ అప్‌డేట్‌ ఇవ్వమని అడిగారు. దీంతో ఆయన ఆ సినిమా అప్‌డేట్స్‌ కావాలంటే శంకర్‌ను అడగాలి అన్నారు. ‘గేమ్‌ ఛేంజర్‌’ గురించి ఆయన మాత్రమే చెబుతారని నవ్వేశారు. దీంతో ఇప్పుడు ‘గేమ్‌ ఛేంజర్‌’ అంతా ఆయన చేతిలోనే ఉంది అని అర్థమైపోయింది.

సినిమాల విషయంలో ప్లానింగ్‌ అంటే (Dil Raju) దిల్‌ రాజును చూసి నేర్చుకోవాలి అంటుంటారు టాలీవుడ్‌లో. ఎప్పుడు సినిమా మొదలుపెట్టాలి, ఎలా పూర్తి చేయాలి, ఎప్పుడు రిలీజ్‌ చేయాలి అన్నీ ఆయన కొబ్బరికాయ కొట్టేముందు ప్లాన్‌ చేసుకుంటారని టాక్‌. ఈ మేరకు ఆయన టీమ్‌ అంతలా పని చేస్తుంది. గతంలో ఇలా ఆయన చాలా సినిమాలు చేసి విజయాలు సాధించారు కూడా. అయితే ఇప్పుడు ‘గేమ్‌ ఛేంజర్‌’ విషయానికొచ్చేసరికి మొత్తం మారిపోయింది.

నిజానికి, ఈ విషయాన్ని రామ్‌చరణ్‌ ఫ్యాన్స్‌, నెటిజన్లు ఎప్పుడో పసిగట్టేశారు. అందుకే ‘గేమ్‌ ఛేంజర్‌’ రిలీజ్‌ డేట్‌ గురించి ఇప్పటివరకు వచ్చిన సమాచారాన్ని నమ్మడం లేదు. శంకర్‌ సినిమా అంటే అంత వేగంగా పూర్తవ్వదు అని వారి నమ్మకం. దానికి తోడు ‘ఇండియన్‌ 2’ పనులు కూడా మరోవైపు సాగుతున్న నేపథ్యంలో ‘గేమ్‌ ఛేంజర్‌’ అంతా శంకర్‌ చేతుల్లో ఉంది. ఎప్పుడు, ఏంటి అనేది ఆయనే చెప్పాలి. అన్నట్లు ఈ సినిమా నుండి కొన్ని ఫొటోలు ఈ మధ్య లీక్‌ అయ్యాయి. అదొక్కటే అప్‌డేట్‌.

2023 టాప్- 10 గ్రాసర్స్.. ఏ సినిమా ఎక్కువ కలెక్ట్ చేసిందంటే?

‘భోళా శంకర్’ తో పాటు కోల్‌కతా బ్యాక్ డ్రాప్ లో రూపొందిన 10 సినిమాల రిజల్ట్స్.!

‘వాల్తేరు..’ టు ‘జైలర్’.. ఈ ఏడాది ఫస్ట్ వీక్ ఎక్కువ కలెక్షన్స్ రాబట్టిన సినిమాల లిస్ట్