Kalki 2898 AD OTT: ఓటీటీ రైడ్‌కి సిద్ధమవుతున్న భైరవ అలియాస్ కర్ణ.. ఎప్పటి నుండంటే?

రూ. 600 కోట్ల బడ్జెట్‌తో రూపొంది.. రూ. 1100 కోట్లు వసూళ్లు అందుకుని ఇండస్ట్రీ హిట్‌గా నిలిచిన సినిమా ఓటీటీ డేట్‌ దాదాపు ఫిక్స్‌ అయిపోయింది. అంత పెద్ద నెంబర్లు, అంత క్లియర్‌గా చెప్పాక.. ఆ సినిమా ఏంటో మీకు అర్థమయ్యే ఉంటుంది. అవును.. ‘కల్కి 2898 ఏడీ’ (Kalki 2898 AD) సినిమా ఓటీటీ స్ట్రీమింగ్‌ డేట్‌ ఫిక్స్‌ అయిందని సమాచారం. ఈ మేరకు ఓ పోస్టర్‌ సోషల్ మీడియాలో వైరల్‌ అవుతోంది. ఇది నిజమైనదా? కాదా? అనేది తెలియదు కానీ.. సమాచారం ఆసక్తికరంగా ఉండటంతో పోస్టర్‌ వైరల్‌ అవుతోంది.

Kalki 2898 AD

తెలుగు, తమిళం, కన్నడ, మలయాళం భాషల్లో సినిమాను ఓటీటీలో విడుదల చేయడానికి అమెజాన్‌ ప్రైమ్‌ రెడీ అవుతోంది. ఈ నెల 23 నుండి సినిమా తమ ఓటీటీలో చూడొచ్చు అని తెలిపేలా ఓ పోస్టర్‌ను సిద్ధం చేసినట్లు ఆ పోస్టర్‌ చూస్తే అర్థమవుతోంది. మన ప్రభాస్‌  (Prabhas)  .. కర్ణ లుక్‌లో ఉన్న ఆ పోస్టర్‌ ఇప్పుడు టాక్‌ ఆఫ్‌ ది ఇండియన్‌ సినిమా అని చెప్పొచ్చు. సినిమా రిలీజ్‌కు ముందు ఈ గెటప్‌ను టీమ్‌ దాచిన విషయం తెలిసిందే. అయితే ఈ పోస్టర్‌లో హిందీ పేరు లేదు.

అంటే హిందీ వెర్షన్‌ను అమెజాన్‌ రిలీజ్‌ చేయడం లేదు అని అర్థమవుతోంది. ఇక పోస్టర్‌ అమెజాన్‌ ప్రైమ్‌కు సంబంధించి ఏ సోషల్‌ మీడియాలోనూ లేదు. మరి ఫ్యాన్‌ మేడా? లేక అనుకోకుండా బయటకు వచ్చేసిందా అనేది చూడాలి. ఇక పోస్టర్‌ను చూస్తుంటే ఇది తమిళ అమెజాన్‌ ప్రైమ్‌ హ్యాండిల్‌ నుండి బయటకు వచ్చినట్లుంది. చూద్దాం టీమ్‌ ఏమన్నా ఈ విషయంలో క్లారిటీ ఇస్తుందేమో.

ప్రభాస్‌, దీపిక పడుకొణె (Deepika Padukone)  , అమితాబ్‌ బచ్చన్‌ (Amitabh Bachchan) , కమల్‌ హాసన్‌ (Kamal Haasan) ప్రధాన పాత్రల్లో నటించిన ఈ సినిమాను నాగ్‌ అశ్విన్ (Nag Ashwin)   తెరకెక్కించారు. వైజయంతి మూవీస్‌ తెరకెక్కించిన ఈ సినిమా రెండో పార్టు పనులు త్వరలో ప్రారంభమవుతాయి అని అంటున్నారు.

ఆ పాఠశాల కోసం సహాయం చేసిన నాగ్ అశ్విన్ ను మెచ్చుకోవాల్సిందే!