నితిన్ ప్రస్తుతం ‘ఎక్స్ట్రా’ అనే సినిమాలో నటిస్తున్నాడు. వక్కంతం వంశీ ఈ చిత్రానికి దర్శకుడు. డిసెంబర్ 8 న ఈ సినిమా ప్రపంచవ్యాప్తంగా గ్రాండ్ గా విడుదల కాబోతుంది. అయితే టీజర్ ను అక్టోబర్ 30 న విడుదల చేయబోతున్నట్టు ఇటీవల ఓ పోస్టర్ ద్వారా చిత్ర బృందం ప్రకటించింది. కొద్దిసేపటి క్రితం టీజర్ రిలీజ్ అయ్యింది. ఒక నిమిషం 40 సెకన్ల నిడివి కలిగిన ‘ఎక్స్ట్రా’ టీజర్ కంప్లీట్ గా ఫన్ తో కూడుకుని ఉందని చెప్పవచ్చు.
ఈ టీజర్ (Extra – Ordinary Man) ద్వారా హీరో క్యారెక్టరైజేషన్ ఎలా ఉంటుందో చూపించారు. ముందు నుండి ఈ సినిమాలో హీరో నితిన్.. ఓ జూనియర్ ఆర్టిస్ట్ గా కనిపించబోతున్నాడు అని ప్రచారం జరిగింది. ఈ టీజర్ తో అది నిజమే అని తేలింది. ఎలాగూ జూనియర్ ఆర్టిస్ట్ కాబట్టి.. చాలా గెటప్స్ లో నితిన్ కనిపించబోతున్నట్టు క్లారిటీ ఇచ్చేశారు. హీరోయిన్ శ్రీలీల కూడా ఓ షాట్ లో కనిపించింది. ఓ షాట్ లో సంపత్ తో.. ‘బాహుబలి’ లో 6 వ లైన్లో 7 వ వ్యక్తి ఎవరో తెలుసా?’ అంటూ నితిన్ చెప్పడం,
అలాగే ‘నువ్వు కొబ్బరిమట్ట సినిమాలో ఉన్నావు కదా’ అంటూ నితిన్ తో హీరోయిన్ శ్రీలీల అనడం, ఇక హీరో తండ్రి పాత్రలో కనిపిస్తున్న రావు రమేష్ ‘ నువ్వు ఎక్స్ట్రా గాడివి.. అంటే ఆర్డినరీ పర్సన్ వి’ అని అనడం.. ఆ తర్వాత ‘ఎక్స్ట్రా ఆర్డినరీ’ కలిపి ‘ఎక్స్ట్రార్డినరీ’ అంటూ చెప్పడం.. ఇవన్నీ ఫన్నీగా అనిపిస్తాయి. మొత్తంగా ఈ సినిమాలో బోలెడంత ఫన్ ఉండబోతుంది అని టీజర్ ద్వారా చెప్పకనే చెప్పారు. టీజర్ అయితే బాగానే ఉంది. మీరు కూడా ఓ లుక్కేయండి :
‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!
‘సైందవ్’ తో పాటు టాలీవుడ్లో వచ్చిన ఫాదర్-డాటర్ సెంటిమెంట్ మూవీస్ లిస్ట్..!
ఆ హీరోయిన్స్ చేతిలో ఒక సినిమా కూడా లేదంట..!
