పటాస్, సుప్రీమ్, రాజా ది గ్రేట్ చిత్రాలతో హ్యాట్రిక్ హిట్ అందుకున్న అనిల్ రావిపూడి ఇప్పుడు వెంకటేష్, వరుణ్ తేజ్ లతో మల్టీ స్టారర్ మూవీ చేస్తున్న సంగతి తెలిసిందే. ఇందులో వెంకీ సరసన తమన్నా, వరుణ్ సరసన మెహ్రీన్ జంటగా నటిస్తున్నారు. దిల్ రాజు నిర్మిస్తున్న ఈ మూవీ వేగంగా షూటింగ్ జరుపుకుంటోంది. కొన్నిరోజుల క్రితం షూటింగ్ బ్రేక్ లో కొంచెం భయంకరంగా మెహ్రీన్, తమన్నాలు సెల్ఫీ తీసుకొని సోషల్ మీడియాలో పోస్ట్ చేశారు. సినిమాలో ఎంత ఫ్రస్టేషన్ ఉందో చూపించారు.
తాజాగా ఫన్ ఎలా ఉంటుందో చూపించారు. ప్రస్తుతం రెండు జంటలపై ఓ పాటని యూరప్ దేశాల్లోని అందమైన ప్రాంతాలు కలిగిన ప్రాగ్‌లో షూట్ చేస్తున్నారు. ఆ షూటింగ్ సమయంలో సరదాగ ఫోటోలు తీసుకున్నారు. అవి ట్విట్టర్‌లో షేర్ చేసి “ఫన్ మోడ్‌” అని క్యాప్షన్‌ ఇచ్చారు. వారితో డైరక్టర్ కూడా కలిసి సందడి చేస్తున్నారు. ఇలా సినిమా టీజర్ కి ముందే ఈ సినిమాలో ఫన్, ఫ్రస్టేషన్ రెండూ ఉంటాయని చెప్పేసారు. గురు సినిమా తర్వాత వెంకటేష్ చాలా గ్యాప్ చేసి చేస్తున్న ఈ మూవీపై అభిమానులు ఎక్కువ ఆశలు పెట్టుకున్నారు. వరుణ్ తేజ్ తొలి ప్రేమ తర్వాత సైన్స్ ఫిక్షన్ మూవీ చేసినప్పటికీ.. దానికంటే ముందు ఈ చిత్రం రిలీజ్ అయ్యేట్టు ఉంది.
