లాక్ డౌన్ దెబ్బకు మూగబోయిన బాక్సాఫీస్ కు ఇక రెస్ట్ దొరికేలా లేదు. ఒక్కసారిగా పుట్టగొడుగుల్లా సినిమా విడుదల తేదీలు పూట్టుకొస్తున్నాయి. షూటింగ్ పై క్లారిటీ రాకముందే కొందరు బ్లైండ్ గా ఫిక్స్ అయ్యారు. మళ్ళీ విడుదలకు గ్యాప్ ఉంటుందో లేదో అని సందేహంలో ఉండకుండా ముందు జాగ్రత్తగా విడుదల తేదీలను ఫిక్స్ చేసుకుంటున్నారు. ఇక మొత్తానికి కామెడీ మల్టీస్టారర్ సినిమా కూడా విడుదల తేదీని ఫిక్స్ చేసుకుంది. వరుణ్ తేజ్ – వెంకటేష్ నటిస్తున్న F3 సినిమాపై అంచనాలు ఏ రేంజ్ లో ఉన్నాయో స్పెషల్ గా చెప్పనవసరం లేదు.
అనిల్ రావిపూడి తెరకెక్కిస్తున్న ఈ సినిమా యూనిట్ కొన్ని రోజుల క్రితమే మొదటి షెడ్యూల్ ను స్టార్ట్ చేసింది. దర్శకుడు అనిల్ ప్లాన్ చేసుకుంటే అనుకున్న సమయం కంటే తొందరగానే ఫినిష్ చేయగలడు. ఇక మొత్తానికి దిల్ రాజు అయితే ఆగస్ట్ 27 అని ఫిక్స్ చేశాడు. పుష్ప సినిమా ఆగస్టు 13న రాబోతున్న విషయం తెలిసిందే. ఎవరికి ఇబ్బంది కలగకుండా నిర్మాత దిల్ రాజు గ్యాప్ ఇచ్చి సినిమాను రిలీజ్ చేయిస్తున్నాడు.
మరి F3 సినిమా ఏ రేంజ్ లో సక్సెస్ అవుతుందో చూడాలి. ఇక సినిమాలో మరో మెగా హీరో కూడా నటించనున్నట్లు రూమర్స్ వస్తున్న విషయం తెలిసిందే. మొదట్లో దర్శకుడు అనిల్ రావిపూడి అయితే ఇందులో వెంకటేష్, వరుణ్ తేజ్ తప్ప మరొక హీరో నటించడం లేదని చెప్పాడు. ఇక సినిమా వెండితెరపైకి వచ్చేసరికి ఎలా రెడీ అవుతుందో చూడాలి.
Most Recommended Video
ఈ 10 మంది సినీ సెలబ్రిటీలకు తల్లులు వేరైనా తండ్రులు ఒకరే..!
సౌత్ లో సక్సెస్ అయిన టాక్ షోలు.. ఏ తారలు హోస్ట్ చేసినవంటే..!
వరల్డ్ రికార్డ్ కొట్టి.. టాలీవుడ్ స్థాయిని పెంచిన సెలబ్రిటీల లిస్ట్..!
