జై లవకుశ విషయంలో అలా జరిగిందా?

యంగ్ టైగర్ ఎన్టీఆర్ సత్తాని జై లవకుశ మూవీ దేశవ్యాప్తంగా తెలియజేసింది. తారక్ ని నంబర్ వన్ స్థానంలో నిలబెట్టింది. బాబీ దర్శకత్వంలో ఎన్టీఆర్ నటించిన జై లవకుశ చిత్రం రికార్డులను తిరగరాసింది. ఎన్టీఆర్ ఆర్ట్స్ బ్యానర్లో కళ్యాణ్ రామ్ నిర్మించిన ఈ చిత్రంలో మూడు పాత్రల్లో ఎన్టీఆర్ మంచి వేరియేషన్స్ కనబరిచారు. ఈ చిత్రం గురించి ఫిలిం నగర్ లో ఓ న్యూస్ చక్కర్లు కొడుతోంది.  జై లవకుశ చిత్రంలో జై పాత్ర చాలా కీలకం. ఈ పాత్రలో ఎన్టీఆర్ తొలిసారి విలనిజం ప్రదర్శించారు. జై లుక్ ని మొదట ప్రముఖ హాలీవుడ్ మేకప్ మాన్ వాన్స్ హార్ట్ వెల్ తో డిజైన్ చేయించారంట. అందుకోసమే అతని ఇక్కడకు రప్పించారు.

హార్ట్ వెల్ డిజైన్ చేసిన లుక్ నిర్మాత కళ్యాణ్ రామ్ కు నచ్చలేదని, దీతో అతడిని తిరిగి పంపేశారని అందరూ చెప్పుకుంటున్నారు. అంతేకాదు హార్ట్ వెల్ కు పారితోషకం కూడా ఇవ్వలేదని విమర్శ వినిపిస్తోంది. అయితే నందమూరి అభిమానులు మాత్రం ఈ విషయాన్నీ ఖండించారు. హార్ట్ వెల్ తో డిజైన్ చేయించిన మాట నిజమే కానీ అతనికి పారితోషికం ఇవ్వలేదనే వార్తల్లో అసలు నిజం లేదని చెప్పారు. చిత్రం విజయం సాధించక పోయినప్పటికీ అందుకు పని చేసిన ప్రతి ఒక్కరికీ ఒక్క రూపాయి కూడా బ్యాలెన్స్ లేకుండా చెల్లించే తత్వం కళ్యాణ్ రామ్ సొంతమని, అటువంటి వ్యక్తి రెమ్యునరేషన్ ఇవ్వలేదని చెప్పడానికి మనసు ఎలా వస్తోందని ఆవేదన వ్యక్తం చేస్తున్నారు.