Pawan Kalyan: పవన్ సైలెన్స్ వల్ల ఫ్యాన్స్ కన్ఫ్యూజ్ అవుతున్నారా?

July 22, 2022 / 04:45 PM ISTByFilmy Focus

Join Us

Pawan Kalyan: పవన్ సైలెన్స్ వల్ల ఫ్యాన్స్ కన్ఫ్యూజ్ అవుతున్నారా?

పవర్ స్టార్ పవన్ కళ్యాణ్ 2019 ఎన్నికల ఫలితాలు వెలువడిన తర్వాత వరుస సినిమాలతో బిజీ అయ్యారనే సంగతి తెలిసిందే. రీఎంట్రీలో పవన్ నటించిన వకీల్ సాబ్, భీమ్లా నాయక్ కొన్ని నెలల గ్యాప్ లో విడుదలై సక్సెస్ సాధించాయి. పవన్ హీరోగా వినోదయ సిత్తం రీమేక్, భవదీయుడు భగత్ సింగ్, హరిహర వీరమల్లు సినిమాలకు సంబంధించిన ప్రకటనలు వెలువడటంతో పాటు హరిహర వీరమల్లు సినిమా షూటింగ్ సగం ఇప్పటికే పూర్తైంది.

హరిహర వీరమల్లు షూటింగ్ కు సంబంధించి వేర్వేరు వార్తలు ప్రచారంలోకి వస్తుండగా పవన్ తన లుక్ ను మార్చుకోవడంతో హరిహర వీరమల్లు సినిమా షూట్ లో పవన్ మళ్లీ ఎప్పుడు జాయిన్ అవుతారనే ప్రశ్నలు వ్యక్తమవుతున్నాయి. వినోదాయ సిత్తం రీమేక్ షూటింగ్ కు సంబంధించి వేర్వేరు వార్తలు ప్రచారంలోకి వస్తుండగా ఈ సినిమా షూట్ ఎప్పుడు మొదలవుతుందో చూడాల్సి ఉంది. మరోవైపు భవదీయుడు భగత్ సింగ్ ఆగిపోయిందని ఈ ప్రాజెక్ట్ కు సంబంధించి డైరెక్టర్ మారే అవకాశం ఉందని కామెంట్లు వ్యక్తమవుతున్నాయి.

పవన్ సైలెన్స్ వల్ల అభిమానులు కన్ఫ్యూజ్ అవుతుండటం గమనార్హం. తన సినిమాల గురించి పవన్ కళ్యాణ్ క్లారిటీ ఇవ్వాలని అభిమానులు కోరుకుంటున్నారు. పవన్ రాజకీయాలకు సంబంధించిన కార్యక్రమాలతో బిజీ కావడంతో సినిమాల విషయంలో కన్ఫ్యూజన్ మరింత పెరిగింది. పవన్ కళ్యాణ్ ఒక్కో సినిమాకు 50 కోట్ల రూపాయల నుంచి 70 కోట్ల రూపాయల రేంజ్ లో రెమ్యునరేషన్ తీసుకుంటున్నారు.

పవన్ ఇప్పటికే ప్రకటించిన సినిమాలను త్వరగా పూర్తి చేస్తే బాగుంటుందని చాలామంది ఫ్యాన్స్ కోరుకుంటున్నారు. పవన్ తో సినిమాలను తెరకెక్కిస్తున్న దర్శకులు అయినా వైరల్ అవుతున్న వార్తల గురించి స్పందించి ప్రాజెక్ట్ లకు సంబంధించిన అప్ డేట్స్ ఇస్తారేమో చూడాల్సి ఉంది. పవన్ ను అభిమానించే ఫ్యాన్స్ సంఖ్య రోజురోజుకు పెరుగుతుండటం గమనార్హం.